zaahid sharaab-e-naab ho yaa baada-e-tuhur — Hafeez Jaunpuri

is ko samjho na khatt-e-nafs 'hafiz'
aur hi kuchh hai shaaeri se gharaz

jo divaanon ne paimaaish ki hai maidaan-e-qayaamat ki
faqat do gaz zamin Thahri vo mere dasht-e-vahshat ki

o aankh badal ke jaane vaale
kuchh dhyaan kisi ki aajizi kaa

pari thi koi chhalaavaa thi yaa javaani thi
kahaan ye ho gai champat jhalak dikhaa ke mujhe

kabhi masjid mein jo vaaiz kaa bayaan suntaa huun
yaad aati hai mujhe pir-e-kharaabaat ki baat

bahut duur to kuchh nahin ghar miraa
chale aao ik din Tahalte hue

na tum hosh mein ho na ham hosh mein hain
chalo mai-kade mein vahin baat hogi

aae kuchh abr kuchh sharaab aae
is ke baa'd aae jo azaab aae

kahaan milegi misaal meri sitamgari ki
ki main gulaabon ke zakhm kaanTon se si rahaa huun

lab-e-mai-gun kaa taqaazaa hai ki jiinaa hogaa
aankh kahti hai tujhe zahr bhi piinaa hogaa

sar-chashma-e-baqaa se hargiz na aab laao
hazrat khizar kahin se jaa kar sharaab laao

aaj pi kar bhi vahi tishna-labi hai saaqi
lutf mein tere kahin koi kami hai saaqi