aae Thahre aur ravaana ho gae — Haidar Ali Jafri

sabhi to dost hain kyuun shak abas huaa mujh ko
kisi ke haath kaa patthar miri talaash mein hai

khuun mazdur kaa miltaa jo na taamiron mein
na haveli na mahal aur na koi ghar hotaa

kis ki sadaa fazaaon mein gunji hai chaar-su
kis ne mujhe pukaaraa hai bachpan ke naam se

bhulaa na paayaa use jis ko bhuul jaanaa thaa
vafaaon se miraa rishta bahut puraanaa thaa

kyaa zaruri hai ju-e-shir ki baat
kyuun na gang-o-jaman ki baat karein

khinch detaa main zamaane pe mohabbat ke nuqush
mere qabze mein agar khaama-e-shahpar hotaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bichhaD gae to ye dil umr bhar lagegaa nahin
lagegaa lagne lagaa hai magar lagegaa nahin

ik azaan aur namaaz kaa vaqfa
zindagi kitni mukhtasar paai

tu bhi naaraaz bahut hai mujh se
zindagi tujh se khafaa huun main bhi