mujhe ab maut behtar zindagi se — Haqeer

jab se kuchh qaabu hai apnaa kaakul-e-khamdaar par
saanp har dam loTtaa hai sina-e-aghyaar par

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

khuub mil kar gale se ro lenaa
is se dil ki safaai hoti hai

yak-ba-yak tark na karnaa thaa mohabbat mujh se
khair jis tarah se aataa thaa vo aataa jaataa

jaantaa us ko huun davaa ki tarah
chaahtaa us ko huun shifaa ki tarah

band-e-qabaa pe haath hai sharmaae jaate hain
kamsin hain zikr-e-vasl se ghabraae jaate hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

kar rahaa huun tujhe khushi se basar
zindagi tujh se daad chaahtaa huun

mohabbat rahi chaar din zindagi mein
rahaa chaar din kaa asar zindagi bhar

kiyaa baadalon mein safar zindagi bhar
zamin par banaayaa na ghar zindagi bhar