khafaa ho mujh se to apne andar — Hasan Abbasi

vo baad-e-muddat milaa to rone ki aarzu mein
nikal ke aankhon se gir paDe chand khvaab aage

kabhi jo aankhon ke aa gayaa aaftaab aage
tire tasavvur mein ham ne kar li kitaab aage

us ajnabi se haath milaane ke vaaste
mahfil mein sab se haath milaanaa paDaa mujhe

hasin yaadon ke chaand ko alvidaaa kah kar
main apne ghar ke andhere kamron mein lauT aayaa

mohabbat mein kaThin raste bahut aasaan lagte the
pahaaDon par suhulat se chaDhaa karte the ham donon

mujh ko maalum thaa ik roz chalaa jaaegaa!
vo miri umr ko yaadon ke havaale kar ke

chaand ne taan li hai chaadar-e-abr
ab vo kapDe badal rahi hogi

aae kuchh abr kuchh sharaab aae
is ke baa'd aae jo azaab aae

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

pyaaso raho na dasht mein baarish ke muntazir
maaro zamin pe paanv ki paani nikal paDe

tiri abru hai mehraab-e-mohabbat
namaaz-e-ishq mere par hui farz