milne ko hai khamoshi-e-ahl-e-junun ki daad — Hosh Tirmizi

dil ko gham raas hai yuun gul ko sabaa ho jaise
ab to ye dard ki surat hi davaa ho jaise

dasht-e-vafaa mein jal ke na rah jaaein apne dil
vo dhuup hai ki rang hain kaale paDe hue

ab to divaanon se yuun bach ke guzar jaati hai
bu-e-gul bhi tire daaman ki havaa ho jaise

tazin-e-bazm-e-gham ke liye koi shai to ho
raushan charaagh-e-dil na sahi jaam-e-mai to ho

yaadein chalein khayaal chalaa ashk-e-tar chale
le kar payaam-e-shauq kai naama-bar chale

main baDaa ho gayaa huun magar bachpanaa
mere dil se kabhi bhi gayaa hi nahin

maslahat thi koi vo chup the agar
bolne vaale to khul kar bolte

zabaan khaamosh magar nazron mein ujaalaa dekhaa
us kaa izhaar-e-mohabbat bhi niraalaa dekhaa

aurat ho tum to tum pe munaasib hai chup raho
ye bol khaandaan ki izzat pe harf hai

sukut vo bhi musalsal sukut kyaa maani
kahin yahi tiraa andaaz-e-guftugu to nahin

main chup rahaa to aankh se aansu ubal paDe
jab bolne lagaa miri aavaaz phaT gai