tazin-e-bazm-e-gham ke liye koi shai to ho — Hosh Tirmizi

dil ko gham raas hai yuun gul ko sabaa ho jaise
ab to ye dard ki surat hi davaa ho jaise

dasht-e-vafaa mein jal ke na rah jaaein apne dil
vo dhuup hai ki rang hain kaale paDe hue

milne ko hai khamoshi-e-ahl-e-junun ki daad
uThne ko hai zamin se dhuaan dekhte raho

ab to divaanon se yuun bach ke guzar jaati hai
bu-e-gul bhi tire daaman ki havaa ho jaise

yaadein chalein khayaal chalaa ashk-e-tar chale
le kar payaam-e-shauq kai naama-bar chale

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

tahzib ke libaas utar jaaeinge janaab
dollar mein yuun nachaaegi ikkisvin sadi

ye roz-marra ke kuchh vaaqiaat-e-shaadi-o-gham
mire khudaa yahi insaan ki zindagaani hai

dilon ke dard jagaa khvaahishon ke khvaab sajaa
balaa-kashaan-e-nazar ke liye saraab sajaa