jhiil mein chaandni kaa aks-e-jamil — Husna Sarwar

shahr-dar-shahr bhaTakte hi rahe umr tamaam
kyaa tire haath ki rekhaaon mein aaraam nahin

jaagi kirnein to sabze par jhilmil aansu bol uThe
raat ko tanhaai mein shabnam chupke chupke roi hai

dil ke aangan mein andheraa hai bahut
chaand ban kar utar aao to sahi

baiThe baiThe yuun hi tanhaai ke sahraaon mein
dard ki ret pe likhte hain tiraa naam aksar

main apni zaat mein gum be-khudi mein rahti huun
sabaa ki tarah koi chheDe gudgudaae mujhe

tiri nigaah mein ye jo kiran si kaanpti hai
dayaar-e-dil mein ye kaisaa charaagh jaltaa hai

mere khvaabon ke jharokon ko sajaate rahiye
na sahi vasl magar yaad to aate rahiye

kisi ki yaad manaane mein iid guzregi
so shahr-e-dil mein bahut duur tak udaasi hai

koi puraanaa khat kuchh bhuli-bisri yaad
zakhmon par vo lamhe marham hote hain

aataa rahaa huun yaad main us ko tamaam umr
is zaaviye se ishq mein naakaam kab huaa

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein