ab ki holi mein rahaa be-kaar rang — Imam Bakhsh Nasikh

ham zaifon ko kahaan aamad o shud ki taaqat
aankh ki band huaa kucha-e-jaanaan paidaa

ham mai-kashon ko Dar nahin marne kaa mohtasib
firdaus mein bhi sunte hain nahr-e-sharaab hai

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

shubh 'naasikh' nahin kuchh 'mir' ki ustaadi mein
aap be-bahra hai jo mo'taqid-e-'mir' nahin

kaam kyaa nikle kisi tadbir se
aadmi majbur hai taqdir se

takallum hi faqat hai us sanam kaa
khudaa ki tarah goyaa be-dahaan hai

jab ki pahlu se yaar uThtaa hai
dard be-ikhtiyaar uThtaa hai

mujh ko to dekh lene se matlab hai naasehaa
bad-khu agar hai yaar to ho khub-ru to hai

maza hai spēch kaa dinner mein khabar ye chhapti hai pionēr mein
falak ki gardish ke saath hi saath kaam yaaron kaa chal rahaa hai

kahne sunne ke liye aur bachaa hi kyaa hai
so mire dost ijaazat mujhe rukhsat kiyaa jaae

ye mohabbat kaa jo ambaar paDaa hai mujh mein
is liye hai ki miraa yaar paDaa hai mujh mein

khel zindagi ke tum khelte raho yaaro
haar jiit koi bhi aakhiri nahin hoti