koi hayaat ke maani bataa ke samjhaae — Sandeep Gupte

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

us se meraa koi rishta niklaa
mere jaisaa vo bhi tanhaa niklaa

ham ehtiyaat ki aisi misaal dete hain
tumhaaraa zikr bhi aayaa to Taal dete hain

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

main tumhaare shahr ki tahzib se vaaqif na thaa
pattharon se ki nahin thi guftugu pahle kabhi

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

har baar hi main jaan se jaane mein rah gayaa
main rasm-e-zindagi jo nibhaane mein rah gayaa

ai adam ke musaafiro hoshiyaar
raah mein zindagi khaDi hogi

aap kaa koi safar be-samt be-manzil na ho
zindagi aisi na jiinaa jis kaa mustaqbil na ho