tire firaaq ke sadme qubul hain lekin — Jan Kashmiri

us ko pataa nahin hai khizaan ke mizaaj kaa
vo vaaqif-e-bahaar huaa hai abhi abhi

doston aur dushmanon mein kis tarah tafriq ho
doston aur dushmanon ki be-rukhi hai ek si

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kai jhamelon mein uljhi si bad-maza chaae
udaas mez pe daftar ke kaaghzaat kaa dukh

naghmon ki ibtidaa thi kabhi mere naam se
ashkon ki intihaa huun mujhe yaad kijiye

ham gadaa-e-dar-e-mai-khaana hain ai pir-e-mughaan
kaam apnaa tire sadqe mein chalaa lete hain