kahin aisaa na ho mar jaaun main hasrat hi hasrat mein — Javed Lakhnvi

tum diye jaao yunhi ham ko havaa daaman ki
ham se behosh nahin hosh mein aane vaale

khaak uD ke hamaari tire kuche mein pahunchti
taqdir thi ye bhi ki havaa bhi na chali aaj

shab-e-vasl kyaa jaane kyaa yaad aayaa
vo kuchh aap hi aap sharmaa rahe hain

tum paas jo aae kho gae ham
jab tum na mile to justuju ki

tumhein hai nashsha javaani kaa ham mein ghaflat-e-ishq
na ikhtiyaar mein tum ho na ikhtiyaar mein ham

surat na yuun dikhaae unhein baar baar chaand
paidaa kare hasinon mein kuchh e'tibaar chaand

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

aap ne achchhaa kiyaa tathir-e-khvaahish hi na ki
varna zamzam chashma-e-naapaak hotaa ghaaliban

fareb-e-abr-e-karam bhi baDaa sahaaraa hai
balaa se nakhl-e-tamannaa khizaan-rasida nahin

aarzuon ne kai phuul chune the lekin
zindagi khaar-badaamaan hai ise kyaa kahiye

tiir khaane ki havas hai to jigar paidaa kar
sarfaroshi ki tamannaa hai to sar paidaa kar