khvaab dekhaa thaa kahaan chamki hai taabir kahaan — Kausar Jayasi

kabhi kabhi safar-e-zindagi se ruuTh ke ham
tire khayaal ke saae mein baiTh jaate hain

gham nairang dikhaataa hai hasti ki jalva-numaai kaa
kitne zamaanon kaa haasil hai ik lamha tanhaai kaa

ye aarzu ke sitaare ye intizaar ke phuul
chamak rahi hain khataaein mahak rahe hain gunaah

apne gham ki fikr na ki is duniyaa ki gham-khvaari mein
barson ham ne dast-e-junun se kaam liyaa daanaai kaa

thi nazar ke saamne kuchh to talaafi ki umiid
khet sukhaa thaa magar dariyaa mein tughyaani to thi

takhliq ke parde mein sitam TuuT rahe hain
aazar hi ke haathon se sanam TuuT rahe hain

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

bin dekhe us ke jaave ranj o azaab kyuun kar
vo khvaab mein to aave par aave khvaab kyuun kar

ham paDh rahe the khvaab ke purzon ko joD ke
aandhi ne ye tilism bhi rakh Daalaa toD ke

ab to le de ke yahi kaam hai in aaankhon kaa
jin ko dekhaa nahin un khvaabon ki taabir karein

talab karein to ye aankhein bhi in ko de duun main
magar ye log in aankhon ke khvaab maangte hain