zaraa Thahro use aane do us ki baat bhi sun lein — Khalid Ebadi

shahr kaa bhi dastur vahi jangal vaalaa
khojne vaale hi akasr kho jaate hain

kabhi kabhi chup ho jaane ki khvaahish hoti hai
aaise mein jab tir-e-sitam ki baarish hoti hai

zaraa saa dard aur itni davaaein
pasand aai nahin chaaragari tak

main zakhm zakhm nahin huun magar masihaai
mire badan mein miri jaan kyuun nahin rakhti

ye kaisaa tanaaza hai ki faisal nahin hotaa
haq teraa ziyaada hai ki hukkaam kaa tere

abhi marne ki jaldi hai 'ibaadi'
agar zinda rahe to phir mileinge

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jab bhi aql banaati hai pahlaa misraa
dil ko misra-e-saani honaa paDtaa hai

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

zaraa jo tez chale to koi bhi saath na thaa
hisaar-e-fikr hi bas apnaa paasbaan huaa