ye tamannaa nahin ab daad-e-hunar de koi — Khalilur Rahman Azmi

teri gali se chhuT ke na jaa-e-amaan mili
ab ke to meraa ghar bhi miraa ghar na ho sakaa

jaane kyuun ik khayaal saa aayaa
main na hungaa to kyaa kami hogi

tiri vafaa mein mili aarzu-e-maut mujhe
jo maut mil gai hoti to koi baat bhi thi

azal se thaa vo hamaare vajud kaa hissa
vo ek shakhs ki jo ham pe mehrbaan huaa

tere na ho sake to kisi ke na ho sake
ye kaarobaar-e-shauq mukarrar na ho sakaa

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

aarzu ki ye sazaa hai ki zamaana hai khilaaf
un se milne ki khudaa jaane sazaa kyaa hogi

hamein baada-kash-e-dard-e-tamannaa
hamin par band hai mai-khaana dil kaa

shaayad niyaaz-mand ko haasil niyaaz ho
hasrat se tak rahaa huun tiri rahguzar ko main

zavaal-e-umr mein kaa'be ki aarzu kaisi
'aqil' raat gae kyaa kisi ke ghar jaanaa