us ke īfā-e-ahd tak na jiye — Mir Taqi Mir

mat sahl hameñ jaano phirtā hai falak barsoñ
tab ḳhaak ke parde se insān nikalte haiñ

bevafā.ī pe terī jī hai fidā
qahr hotā jo bā-vafā hotā

shaam se kuchh bujhā sā rahtā huuñ
dil huā hai charāġh muflis kā

dil se shauq-e-ruḳh-e-nikū na gayā
jhāñknā-tāknā kabhū na gayā

dikhā.ī diye yuuñ ki be-ḳhud kiyā
hameñ aap se bhī judā kar chale

kitnī bāteñ banā ke lā.ūñ lek
yaad rahtīñ tire huzūr nahīñ

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

justujū kho.e huoñ kī umr bhar karte rahe
chāñd ke hamrāh ham har shab safar karte rahe

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

go safedī mū kī yuuñ raushan hai juuñ āb-e-hayāt
lekin apnī to isī zulmāt se thī zindagī