bevafā.ī pe terī jī hai fidā — Mir Taqi Mir

dil se shauq-e-ruḳh-e-nikū na gayā
jhāñknā-tāknā kabhū na gayā

us ke īfā-e-ahd tak na jiye
umr ne ham se bevafā.ī kī

mat sahl hameñ jaano phirtā hai falak barsoñ
tab ḳhaak ke parde se insān nikalte haiñ

shaam se kuchh bujhā sā rahtā huuñ
dil huā hai charāġh muflis kā

dikhā.ī diye yuuñ ki be-ḳhud kiyā
hameñ aap se bhī judā kar chale

kitnī bāteñ banā ke lā.ūñ lek
yaad rahtīñ tire huzūr nahīñ

chalā thā zikr zamāne kī bevafā.ī kā
so aa gayā hai tumhārā ḳhayāl vaise hī

ahbāb ko de rahā huuñ dhokā
chehre pe ḳhushī sajā rahā huuñ

duniyā ne terī yaad se begāna kar diyā
tujh se bhī dil-fareb haiñ ġham rozgār ke

phir usī bevafā pe marte haiñ
phir vahī zindagī hamārī hai

lo phir tire laboñ pe usī bevafā kā zikr
ahmad 'farāz' tujh se kahā na bahut huā

us ne mujhe dar-asl kabhī chāhā hī nahīñ thā
ḳhud ko de kar ye bhī dhokā, dekh liyā hai