khanda-e-lab mein nihaan zakhm-e-hunar dekhegaa kaun — Mohsin Bhopali

ai mashihaao agar chaaragari hai dushvaar
ho sake tum se nayaa zakhm lagaate jaao

koi surat nahin kharaabi ki
kis kharaabe mein bas rahaa hai jism

ab ke mausam mein ye meyaar-e-junun Thahraa hai
sar salaamat rahein dastaar na rahne paae

nairangi-e-siyaasat-e-dauraan to dekhiye
manzil unhein mili jo sharik-e-safar na the

ghalat the vaade magar main yaqin rakhtaa thaa
vo shakhs lahja bahut dil-nashin rakhtaa thaa

'mohsin' apnaaiyat ki fazaa bhi to ho
sirf divaar-o-dar ko makaan mat samajh

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

guzre hue zamaane ko yaad na kar kabhi 'khumaar'
aur jo yaad aa hi jaae ashk bahaa ke bhuul jaa

haae re vo madh-bhari aankhein 'khumaar'
mai-kade viraan nazar aae hain

kyaa javaani gai janaab-e-'khumaar'
kaise tauba ki baat yaad aai