vo hijratein hon hijr ho yaa qissa-e-visaal — Naheed Virk

kitni viraani hai mere andar
kis qadar teri kami hai mujh mein

reza reza honaa bantaa hai miraa
tum mukammal mere dil par utre ho

kitni khvaahishein dil mein palti hain magar 'naahid'
haath hi naiin aate bhaagte hue lamhe

zindagi is qadar buri bhi nahin
dekh main muskuraa rahi huun naa

aur phir dil ne us ko chhoD diyaa
jab ta'alluq bahaal thaa hi nahin

shaam ki shaam se sargoshi suni thi ik baar
bas tabhi se tujhe imkaan mein rakkhaa huaa hai

kahun ai zauq kyaa haal-e-shab-e-hijr
ki thi ik ik ghaDi sau sau mahine

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

ze-haal-e-miskin makun taghaaful duraae nainaan banaae batiyaan
ki taab-e-hijraan nadaaram ai jaan na lehu kaahe lagaae chhatiyaan