izhaar-e-shauq 'arz-e-vafaa sajda-e-niyaaz — Raaz Muradabadi

vo kyaa chhuTe hayaat ke 'unvaan badal gae
duniyaa samajh rahi hai abhi ji rahaa huun main

dil ki be-kaifiyon ko kyaa kiije
fasl-e-gul hai magar bahaar nahin

khud kiyaa tark-e-ta'alluq ham se
khud hi ranjur hue jaate hain

allah-re iltifaat-o-nadaamat ki saazishein
nazrein milin talaafi-e-maafaat ho gai

rukte nahin hain paa-e-jihat-aashnaa kahin
manzil bhi ek sang-e-nishaan rah-guzar mein hai

miri samt manzil ko baDhte jo dekhaa
miraa saath chhoDaa mire rahnumaa ne

jafaa se unhon ne diyaa dil pe daagh
mukammal vafaa ki sanad ho gai

aa umr-e-rafta hashr ke dam-kham bhi dekh lein
tufaan-e-zindagi ki vo halchal uThaa to laa

dil ki dharti par vafaa kaa moajiza rakkhaa gayaa
phir dilon ke darmiyaan kyuun faasla rakkhaa gayaa

hamein bhi aa paDaa hai doston se kaam kuchh yaani
hamaare doston ke bevafaa hone kaa vaqt aayaa

maujud mere dil mein jo zakhmon ke daagh hain
vo ek bevafaa ke sitam ke charaagh hain

vo mujh ko bhuul chukaa ab yaqin hai varna
vafaa nahin to jafaaon kaa silsila rakhtaa