kamaal-e-zabt mein yuun ashk-e-muztar TuuT kar niklaa — Saba Akbarabadi

ravaan hai qaafila-e-ruh-e-iltifaat abhi
hamaari raah se haT jaae kaaenaat abhi

kaun uThaae ishq ke anjaam ki jaanib nazar
kuchh asar baaqi hain ab tak hairat-e-aaghaaz ke

musaafiraan-e-rah-e-shauq sust-e-gaam ho kyuun
qadam baDhaae hue haan qadam baDhaae hue

aap ke lab pe aur vafaa ki qasam
kyaa qasam khaai hai khudaa ki qasam

apne jalne mein kisi ko nahin karte hain sharik
raat ho jaae to ham shama bujhaa dete hain

gham-e-dauraan ko baDi chiiz samajh rakkhaa thaa
kaam jab tak na paDaa thaa gham-e-jaanaan se hamein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa

jab khudaa bhi nahin thaa saath mare
mujh pe biiti hai aisi tanhaai

ik sadaa ki surat ham is havaa mein zinda hain
ham jo raushni hote ham pe bhi jhapaTti raat