aisaa kyaa andher machaa hai mere zakhm nahin bharte — Saima Esma

kabhi kabhi to achchhaa-khaasaa chalte chalte
yuun lagtaa hai aage rasta koi nahin hai

na-jaane kaisi nigaahon se maut ne dekhaa
hui hai niind se bedaar zindagi ki main huun

jaane phir munh mein zabaan rakhne kaa masraf kyaa hai
jo kahaa chaahte hain vo to nahin kah sakte

naqsh jab zakhm banaa zakhm bhi naasur huaa
jaa ke tab koi masihaai pe majbur huaa

aaj sochaa hai ki khud raste banaanaa siikh luun
is tarah to umr saari sochti rah jaaungi

mayassar khud nigah-daari ki aasaaish nahin rahti
mohabbat mein to pesh-o-pas ki gunjaaish nahin rahti

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

nai bahron mein ye misron ke pech-o-kham banaataa hai
ye ghazlein an-ginat likhtaa hai bachche kam banaataa hai

is tishna-labi par mujhe ezaaz to bakhsho
ai baada-kasho jaam uThaao ki chalaa main

tumhaari yaad kaa marham banaam-e-dil kar duun
tamaam hijr ke zakhmon ko mundamil kar duun

go aaj teri bazm mein saaqi guzar nahin
kal degaa tu hi baDh ke mai-e-tez-tar mujhe