ik adaavat se faraaghat nahin milti varna — Sarfraz Zahid

khiDki se jhaank kar kisi ne
manzar ko vaaqia banaayaa

kunein ki samt bulaa le na koi khvaab mujhe
main apne baap kaa sab se hasin beTaa huun

sab ko qudrat thi khush-kalaami par
khaamushi mein zabaan-daraaz thaa main

dukh se do chaar saal chhoTaa huun
hijr se ek din baDaa huun

mohabbat aam saa ik vaaqia thaa
hamaare saath pesh aane se pahle

zinda ikaTThe ho rahe hain
lagtaa hai koi mar gayaa hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

dam mohabbat kaa bharaa kartaa thaa jo dil vasl mein
ab vo shaam-e-hijr aate hi pashemaan ho gayaa

aankhon ke gulaabi Doron mein ik kaif saa paayaa jaataa hai
mai-khvaar-e-mohabbat hosh mein aa saaqi ki nazar hai jaam nahin

qadam qadam pe donon jurm-e-ishq mein sharik hain
nazar ko be-khataa kahun ki dil ko be-khataa kahun