namaaziyon ne tujh abru ko dekh masjid mein — Shaikh Zahuruddin Hatim

ai khizaan bhaag jaa chaman se shitaab
varna fauj-e-bahaar aave hai

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

bul-havas go karein tere lab-e-shirin par hujum
talkh mat ho ki miThaai se magas aati hai

meraa maashuq hai mazon mein bharaa
kabhu miThaa kabhu salonaa hai

sau baar taar taar kiyaa to bhi ab talak
saabit vahi hai dast o garebaan ki dosti

pyaaso raho na dasht mein baarish ke muntazir
maaro zamin pe paanv ki paani nikal paDe

sard jhonkon se bhaDakte hain badan mein shoale
jaan le legi ye barsaat qarib aa jaao

nikal gae hain jo baadal barasne vaale the
ye shahr aab ko tarsegaa chashm-e-tar ke baghair

tire payaam hi se surkh ho gayaa hai badan
ki meinh paDaa nahin hai khil uThe kanval pahle

vo ghusse mein sidhi baat nahin kartaa
tufaanon mein baarish tirchhi hoti hai

kabhi to baaDh aa ke apne saath sab bahaa gai
kabhi kisaan baarishon ki raah dekhtaa rahaa