kahin pe dast-e-nigaarin kahin lab-e-laalin — Syed Amin Ashraf

hai taa-hadd-e-imkaan koi basti na bayaabaan
aankhon mein koi khvaab dikhaai nahin detaa

ik chaand hai aavaara-o-betaab o falak-taab
ik chaand hai aasudgi-e-hijr kaa maaraa

lazzat-e-did khudaa jaane kahaan le jaae
aankh hoti hai to hotaa nahin qaabu dil par

kisi se ishq ho jaane ko afsaana nahin kahte
ki afsaane mata-e-kucha-o-baazaar hote hain

ik khalaa hai jo pur nahin hotaa
jab koi darmiyaan se uThtaa hai

main par-shikasta na thaa baadalon ke biich magar
miri uDaan kaa zanjir se lipaT jaanaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai

be-khudi be-sabab nahin 'ghaalib'
kuchh to hai jis ki parda-daari hai

yunhi dil ne chaahaa thaa ronaa-rulaanaa
tiri yaad to ban gai ik bahaanaa