bevafaa kuchh nahin teri taqsir — Syed Mohammad Meer Asar

jis ghaDi ghurte ho ghussa se
nikle paDtaa hai pyaar aankhon mein

kyaa kahun kis tarah se jiitaa huun
gham ko khaataa huun aansu piitaa huun

apne nazdik dard-e-dil main kahaa
tere nazdik qissa-khvaani ki

tu hi behtar hai aaina ham se
ham to itne bhi ru-shanaas nahin

kaam tujh se abhi to saaqi hai
ki zaraa ham ko hosh baaqi hai

kin ne kahaa aur se na mil tu
par ham se bhi kabhu milaa kar

kuchh to majburiyaan rahi hongi
yuun koi bevafaa nahin hotaa

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

yaar main itnaa bhukaa huun
dhokaa bhi khaa letaa huun

is qadar musalsal thiin shiddatein judaai ki
aaj pahli baar us se main ne bevafaai ki

ek parda saa hai fareb-e-nazar
ye bhi uTThe to dekhnaa kyaa hai

sab se baDaa fareb hai khud zindagi 'adaa'
is hila-ju ke saath hain ham bhi bahaana-saaz