kyaa kahun kis tarah se jiitaa huun — Syed Mohammad Meer Asar

jis ghaDi ghurte ho ghussa se
nikle paDtaa hai pyaar aankhon mein

bevafaa kuchh nahin teri taqsir
mujh ko meri vafaa hi raas nahin

apne nazdik dard-e-dil main kahaa
tere nazdik qissa-khvaani ki

tu hi behtar hai aaina ham se
ham to itne bhi ru-shanaas nahin

kaam tujh se abhi to saaqi hai
ki zaraa ham ko hosh baaqi hai

kin ne kahaa aur se na mil tu
par ham se bhi kabhu milaa kar

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main ne apni palkon par gham-kade sajaae hain
aarzu ke maatam mein sogvaar hasti hai

ham haal to kah sakte hain apnaa pa kahein kyaa
jab vo idhar aate hain to tanhaa nahin aate