dukh apnaa agar ham ko bataanaa nahin aataa — Waseem Barelvi

kisi se koi bhi ummid rakhnaa chhoD kar dekho
to ye rishta nibhaanaa kis qadar aasaan ho jaae

shaam tak subh ki nazron se utar jaate hain
itne samjhauton pe jiite hain ki mar jaate hain

gham aur hotaa sun ke gar aate na vo 'vasim'
achchhaa hai mere haal ki un ko khabar nahin

jo mujh mein tujh mein chalaa aa rahaa hai barson se
kahin hayaat isi faasle kaa naam na ho

kabhi lafzon se ghaddaari na karnaa
ghazal paDhnaa adaakaari na karnaa

kuchh hai ki jo ghar de nahin paataa hai kisi ko
varna koi aise to safar mein nahin rahtaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

haath pistaan pe ghair kaa pahunchaa
aap bhi ab hue anaar-farosh

mujh ko paanaa hai to phir mujh mein utar kar dekho
yuun kinaare se samundar nahin dekhaa jaataa