hai gulu-gir bahut raat ki pahnaai bhi — Yusuf Zafar

saans lene ko hi jiinaa nahin kahte hain 'zafar'
zindagi thi jo tire vasl kaa imkaan hotaa

un ki mahfil mein 'zafar' log mujhe chaahte hain
vo jo kal kahte the divaana bhi saudaai bhi

zahr hai mere rag-o-pai mein mohabbat shaayad
apne hi Dank se bichchhu ki tarah mar jaaun

aa mire chaand raat suuni hai
baat banti nahin sitaaron se

paani ko aag kah ke mukar jaanaa chaahiye
palkon pe ashk ban ke Thahar jaanaa chaahiye

ek bhi aaftaab ban na sakaa
laakh TuuTe hue sitaaron se

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dard se vaaqif na the gham se shanaasaai na thi
haae kyaa din the tabiat jab kahin aai na thi

koi kyaa jaane ki hai roz-e-qayaamat kyaa chiiz
dusraa naam hai meri shab-e-tanhaai kaa

dard biktaa nahin baazaar-e-jahaan mein varna
jaan tak bech ke letaa main tire dil ke liye