thak gayaa ek kahaani sunte sunte main — Zeb Ghauri

main payambar tiraa nahin lekin
mujh se bhi baat kar khudaa mere

jaag ke mere saath samundar raatein kartaa hai
jab sab log chale jaaein to baatein kartaa hai

talaash ek bahaana thaa khaak uDaane kaa
pata chalaa ki hamein justuju-e-yaar na thi

dil ko sambhaale hanstaa boltaa rahtaa huun lekin
sach puchho to 'zeb' tabiat Thiik nahin hoti

jagmagaataa huaa khanjar mire siine mein utaar
raushni le ke kabhi khaana-e-viraan mein aa

uDaa ke khaak bahut main ne dekh li ai 'zeb'
vahaan talak to koi raasta nahin jaataa

na tum hosh mein ho na ham hosh mein hain
chalo mai-kade mein vahin baat hogi

aae kuchh abr kuchh sharaab aae
is ke baa'd aae jo azaab aae

kahaan milegi misaal meri sitamgari ki
ki main gulaabon ke zakhm kaanTon se si rahaa huun

sharaab-e-mohabbat ko ai zaahido tum
buraa gar kahoge to achchhaa na hogaa

mohtasib tasbih ke daanon pe ye gintaa rahaa
kin ne pi kin ne na pi kin kin ke aage jaam thaa

kahaan se laaun sabr-e-hazrat-e-ayyub ai saaqi
khum aaegaa suraahi aaegi tab jaam aaegaa