aarzu-e-dil-e-naakaam se Dar lagtaa hai — Aziz Badayuni

"dil-e-betaab ko bahlaa chuki huun sitaare aasmaan se laa chuki huun nigaah-e-kahkashaan se puchh lenaa shuaa-e-zindagaani paa chuki huun khirad ki tang vaadi se nikal kar junun ki manzilat apnaa chuki huun andheron mein charaaghaan karne vaalo ujaalon mein andheraa paa chuki huun zamin ki pastiyon ko kyuun gila hai jinhein main aasmaan batlaa chuki huun jahaan par aql ruk jaati hai aksar tasavvur mein vahaan tak jaa chuki huun tire kirdaar mein muzmar hai azmat tujhe ai zindagi samjhaa chuki huun mohabbat sirf ruhaani kashish hai gham-e-hasti tujhe apnaa chuki huun shuur-e-zist naa-mumkin nahin hai nigaah maut ko sharmaa chuki huun azizo baa-vafaa fazl-e-khudaa se maqaam-e-bandagi apnaa chuki huun"

"baqaa sadaf ki guhar ke sivaa kuchh aur nahin vafaa shuur-e-bashar ke sivaa kuchh aur nahin ghalat ghalat ki mohabbat fareb-e-hasti hai ye rabt-e-khaas asar ke sivaa kuchh aur nahin shuaa-e-mehr-e-munavvar main maah-e-taabaan main kisi ki pahli nazar ke sivaa kuchh aur nahin abhi junun ko guzarnaa hai shaah-raahon se junun ki had tire dar ke sivaa kuchh aur nahin vo shaam-e-gham jo tiri zindagi kaa haasil hai vo shaam nur-e-sahar ke sivaa kuchh aur nahin yahi nizaam-e-jahaan hai yahi hai raaz-e-baqaa samar hayaat-e-shajar ke sivaa kuchh aur nahin tujhe khirad se hai nisbat hamein 'aziz' junun ba-qadr-e-zarf nazar ke sivaa kuchh aur nahin"

"qalb-e-hasti-e-figaar dekh liyaa aarzu kaa mazaar dekh liyaa hosh gum ho gae zamaane ke zindagi kaa khumaar dekh liyaa lab-kushaa yuun huaa koi ghuncha jaise ik aabshaar dekh liyaa phir koi baar baar kyuun dekhe jab tujhe ek baar dekh liyaa daaman-e-sabr taar taar huaa aap kaa intizaar dekh liyaa zindagi bhi hamein 'aziz' nahin aarzu kaa mazaar dekh liyaa"

"dil-e-muztarib tiri dhaDkanon mein ye kis kaa aks-e-khiraam hai ki isi khiraam pe munhasir miri zindagi kaa nizaam hai isi kashmakash mein na tai hue rukh-o-zulf-e-yaar ke marhale ki harif-e-dida-e-muntazir kabhi subh hai kabhi shaam hai mire haal par nigah-e-karam to bajaa magar ye karam kahin miraa iztiraab na chhin le abhi is se aur bhi kaam hai mah-o-mehr-o-anjum-o-kahkashaan nahin laakh parda-e-darmiyaan vo had-e-nigaah se duur hai to jabin se ek hi gaam hai jo 'aziz' hai miri zindagi to ye mahviyat bhi hai bandagi ki namaaz-e-ishq mein naasehaa na sujud hai na salaam hai"

"hain kashmakash mein aaj tiri daastaan se ham ai dil shuru' karein ye hikaayat kahaan se ham teraa khulus teri mohabbat tiri nazar kis tarah chhin laaein mah-o-kahkashaan se ham naazaan hai koi apne taghaaful pe marhabaa majbur ho rahe dil-e-naaz-daan se ham josh-e-junun ne thaam liyaa hai khulus hai guzre qadam qadam pe nae imtihaan se ham qaht-e-vafaa mein valvala-e-jaan fanaa huaa kyaa bad-gumaan hain aaj kisi raazdaan se ham ye to khizaan-nasib bahaaron se puchhiye vaabasta-e-khulus rahe gulsitaan se ham mahsus ho rahaa hai ki manzil qarib hai kuchh duur jaa chuke hain fazaa-e-jahaan se ham uf vusat-e-nigaah-e-takhayyul na puchhiye so aasmaan-buland hain is aasmaan se ham ye daastaan-e-gham hi mataa-e-'aziz' hai duniyaa basaa rahe hain gham-e-jaavedaan se ham"

"soz-e-dil-o-jaan aur hai saaz-e-dil-o-jaan aur ehsaas-e-bayaan aur hai idraak-e-nihaan aur duniyaa-e-mohabbat mein zamin aur zamaan aur ik shoala-ba-jaan naghma-kunaan raaz-e-nihaan aur shaair kaa jahaan aur hai shaatir kaa jahaan aur mafhum mohabbat kaa yahaan aur vahaan aur ai chaand ki mafluj fazaaon ke musaafir hai muntazir-e-did abhi bazm-e-jahaan aur khud mahv-e-tamaashaa hain mah-o-mehr-o-kavaakib hai aadam-e-khaaki tiri manzil kaa nishaan aur kuchh duur hujum-e-gham-e-jaanaan se nikal jaa ai ashk-e-ravaan shoala-e-jaan barq-e-tapaan aur ye nuzhat-o-nikhat kaa tabassum vo tasaadum ye abr-e-karam aur hai aahon kaa dhuaan aur tujh ko gham-e-jaanaan gham-e-dauraan se badal duun hai azm-e-javaan aur zamaan aur samaan aur sarmaaya-e-hasti thaa kabhi josh-e-taghazzul ehsaas-e-junun aur thaa andaaz-e-bayaan aur kyaa ye bhi zamaane kaa koi turfa asar hai hai teri 'aziz' aaj zabaan aur bayaan aur"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"