zindagi maut ke aaghosh se paidaa karnaa — Jumbish Khairabadi

"khaamushi hi khaamushi mein daastaan bantaa gayaa meraa har aansu mire gham ki zabaan bantaa gayaa aap kaa gham jab sharik-e-qalb-o-jaan bantaa gayaa ashk kaa har qatra bahr-e-be-karaan bantaa gayaa zulm TuuTaa hi kiye qaaem rahi shaan-e-amal bijliyaan girti rahin aur aashiyaan bantaa gayaa dhire dhire yaad un ki dil mein ghar karti rahi rafta rafta ishq un kaa juzv-e-jaan bantaa gayaa meri hasti bhi tire jalvon mein gum hoti gai teraa jalva bhi farogh-e-laa-makaan bantaa gayaa rang laayaa is qadar zauq-e-jabin-e-bandagi har nishaan-e-sajda teraa aastaan bantaa gayaa jab tak ai 'jumbish' rahe vo maail-e-lutf-o-karam har nafas ik zindagi-e-jaavidaan bantaa gayaa"

"sahraa mein jo divaane se baad-e-sabaa uljhi har mauj-e-gul-e-tar se vo zulf-e-dotaa uljhi ilzaam nahin tujh par ai baadiya-paimaai divaane ki qismat se sahraa ki havaa uljhi paaband-e-nazaakat thi nairangi-e-gul-chini surkhi-e-gul-e-tar se haathon ki hinaa uljhi yaa husn-e-kashish mein jaan aur aap ne Daali hai yaa shokhi-e-fitrat hai dar-parda hayaa uljhi khaamosh tajalli ki fitrat main samajhtaa huun kyuun khirman-e-dil se hi ai barq-e-adaa uljhi dil mein tiri yaadon ne vo bijliyaan chamkaain aankhon se mari aa kar saavan ki ghaTaa uljhi zaamin miri uljhan ke uljhe hue gesu hain be-vajh miri 'jumbish' kab tab-e-rasaa uljhi"

"sambhal kar aah bharnaa ai asir-e-daam-e-tanhaai kahin haathon se chhuT jaae na daamaan-e-shakebaai ajab andaaz rakhti hai adaa-e-dasht-paimaai ki khud hi khaar baDh kar chumte hain paa-e-saudaai jo rang-e-husn-e-khaamoshi hai vo khoti hai goyaai huaa jab lab-kushaa ghuncha to baahar bu nikal aai abhi to bas tasavvur hai tumhaare aastaane kaa abhi dekhaa kahaan tum ne miraa zauq-e-jabin-saai kuchh is andaaz se chheDaa nigaah-e-naaz-e-jaanaan ne ki rah rah kar hamaare dil ke zakhmon ko hansi aai rahe inkaar mein iqraar kaa eajaaz bhi pinhaan karo khun-e-vafaa lekin ba-andaaz-e-masihaai araq-aagin jabin insaaniyat ki ho gai 'jumbish' ki daur aayaa hai vo sharm-o-hayaa ki aankh bhar aai"

"soe hue zehnon mein naadida saveraa hai suraj ke bhi ugne par har samt andheraa hai afsurda dilon mein bhi armaanon kaa Deraa hai sukhi hui shaakhon par chiDiyon kaa baseraa hai main saaf-tabiat huun kuchh dil mein nahin rakhtaa kyaa soch ke munh tum ne aaine se pheraa hai jaaein to kidhar jaaein bahke hue manzil se dhupein bhi ghaneri hain saaya bhi ghaneraa hai 'jumbish' koi aa jaae is vaqt khayaalon mein tanhaai kaa aalam hai ehsaas ne gheraa hai"

"ki ehtiyaat dil ne bahut par kahaa gayaa chhoDi jo un ki raah to dar dar kahaa gayaa saaqi ne mere naam pe saaghar paTak diyaa tishna-labi ko meraa muqaddar kahaa gayaa har chashm-e-iltifaat ke husn-e-nigaah ko aaina-e-khulus kaa jauhar kahaa gayaa ehsaas-e-husn-e-zarf se milti hai aabru paani ki ek buund ko gauhar kahaa gayaa ai subh ki kiran ye khayaalaat-e-zindagi vo baat kaun thi jise ghar ghar kahaa gayaa parvaaziyon ki sharh nazar tak na kar saki lekin khayaal-e-taair-e-be-par kahaa gayaa nairangiyon ki baat hai ai aariz-e-jamaal sho'la dahak uThaa to gul-e-tar kahaa gayaa 'jumbish' sakun-navaaz-mizaaji ko chhoDiye khaamoshi-e-hayaat ko aksar kahaa gayaa"

"jhuum ke saaghar kaun uThaae kis ko paDi maikhaane ki saaqi ko bhi hosh nahin hai qismat hai paimaane ki gulshan gulshan yuun phirti hai chaak-garebaan phuul ki khushbu jaise sabaa ne phailaa di ho baat kisi divaane ki divane-pan ki ghaaTi mein 'aql kaa suraj Duub chalaa shahr-e-takhayyul par chhaai hai shaam kisi viraane ki saare sahaare chhuT chale hain subh kaa taaraa Duub chalaa phir bhi tamannaa soch rahi hai baat kisi ke aane ki zinda rah kar hi pahunchegaa pyaar kaa naghma galiyon galiyon baat adhuri rah jaati hai jal-bhun kar parvaane ki bedardon ke daur mein 'jumbish' khun-e-tamannaa hone do koi na koi aansu surkhi de degaa afsaane ki"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"