Ghazal

"ik qaafila hai bin tire ham-raah safar mein ashk aankh mein hai dil mein hai daagh aah jigar mein aaraam mujhe bin tire ik pal nahin ghar mein juun mardumak-e-dida huun din raat safar mein phirtaa hai vo gul-posh mire dida-e-tar mein hai shoala-e-javvaala ki tasvir bhanvar mein suraakh yahaan surat-e-favvaara hain sar mein dikhlaaun tamaashaa jo mujhe chhoD de ghar mein rashk aae na kyuun mujh ko ki tu dekh zar-o-sim rakhtaa hai qadam palla-e-khurshid-o-qamar mein main in dur-e-shahvaar ke ashkon se idhar aa taulungaa biThaa kar tujhe hairaan nazar mein aa dekh na hans hans ke rulaa mujh ko sitamgar ik nuuh kaa tufaan hai mire dida-e-tar mein aks-e-lab-e-paan-khurda se dandaan hain tire surkh yaa aatish-e-yaaqut hai ye aab-e-guhar mein baaz aao shikaar-afgani se haath uThaao bhaale ko miyaan kis liye rakhte ho kamar mein rahti hai baham zulf banaa gosh se tere kuchh farq nahin hai sar-e-mu shaam-o-sahar mein hai is mein raqam haal-e-siyah-bakhti-e-aashiq ye naama koi baandh do ab zaagh ke par mein ye bhi koi insaaf hai ai khaana-kharaab aah auron ko to le jaae hai tu din diye ghar mein aur ham jo hain so dekhne ko bhi tire tarsein divaar mein rakhna hai na suraakh hai dar mein kis vajh 'nasir' us lab-e-shirin pe na ho khaal hotaa vatan-e-mor to hai tang shakar mein"

"khaandaan-e-qais kaa main to sadaa se piir huun silsila-jumbaan-e-shor-e-khaana-e-zanjir huun khaaksaari ke abhi to darpai tadbir huun kushta ho kar khaak jab hon tab kabhi iksir huun zoaf ne go kar diyaa hai juun kamaan gosha-nashin ab bhi chalne ko jo puchho to saraasar tiir huun rishta-e-ulfat ne baandhe hain par-e-parvaaz aah daam-e-hairat mein ba-rang-e-bulbul-e-tasvir huun tujh se ye uqda khulegaa ai nasim-e-subh-dam ghunche ki maanind is gulshan mein kyuun dil-gir huun muntazir chashm-e-rikaab ai said-e-afgan hai hanuz bosa-e-fitraak ki khvaahish hai vo nakhchir huun faqr ki daulat ke aage saltanat kyaa maal hai bistare par apne ai ruba-mizaajo sher huun sach hai apne dam se qaaem hai ye buniyaad-e-jahaan raunaq-afzaa-e-chaman aaraaish-e-taamir huun jaisi chaahe vaisi le mujh se qasam qaatil na Dar hashr ko bhi gar kabhi teraa main daaman-gir huun ahl-e-jauhar hi mire mazmun ko samjhe hai 'nasir' main bhi iqlim-e-sukhan mein saahib-e-shamshir huun"

"khaal-e-mashshaata banaa kaajal kaa chashm-e-yaar par zaagh ko bahr-e-tasadduq rakh sar-e-bimaar par mujh ko rahm aataa hai dast-e-naazuk-e-dildaar par main hi rakh dungaa galaa ai hamdamo talvaar par be-suvaidaa haath dil mat Daal zulf-e-yaar par maash pahle paDh ke mantar pheink ru-e-yaar par gar hifaazat rukh ki hai manzur to miTvaa na khat baaghbaan rakhtaa hai kaanTe baagh ki divaar par kaun kahtaa hai ki sabza aag par ugtaa nahin khat hai paidaa yaar ke dekho rukh-e-gulnaar par dekh mizhgaan par miri tughyaani-e-sail-e-sarishk nuuh kaa tufaan na dekhaa hove jis ne khaar par jis ko dekhaa hi nahin us ke vatan mein qadr-e-khaak baagh se ho kar judaa pahunche hai gul dastaar par haq agar puchho to ejaaz-e-sar-e-mansur thaa varna lagnaa thaa taajjub phal kaa nakhl-e-daar par"

"dekh tu yaar-e-baada-kash! main ne bhi kaam kyaa kiyaa de ke kabaab-e-dil tujhe haqq-e-namak adaa kiyaa kyuun sag-e-yaar se khajil mujh ko pas-az-fanaa kyaa khaa gayaa ustukhaan mire tu ne ye kyaa humaa kiyaa zakhm-e-jigar se dam-ba-dam kab nahin khun-bahaa kiyaa to bhi na qaatil apne se daavaa-e-khun-bahaa kiyaa us but-e-rashk-e-gul ne jab band-e-qabaa ko vaa kiyaa apni nazar ye ghuncha do haath se phir malaa kiyaa kaun se din na yaar ne chashm ko surma-saa kiyaa kab na dil-e-siyaah-bakht khaak mein tu milaa kiyaa dilbar-e-shoala-khu ne jab zulf ko rukh pe vaa kiyaa dil pe main sura-e-dukhaan karne ko dam paDhaa kiyaa baada-kashi ko saaqiyaa kis ki mujhe bataa hubaab zor-e-bhanvar ke chaak par saaghar-e-mai banaa kiyaa vasl ki raat ham-nashin kyunki kaTi na puchh kuchh barsar-e-sulh mein rahaa tis pe bhi vo laDaa kiyaa paae-nigaar se lipaT chor bani to aap ko hi haath na kyuun tire bandhin kaam ye kyaa hinaa kiyaa dil ki judaai kaa kahun kis se main maajraa-e-gham sail-e-sarishk-e-chashm-e-tar shaam-o-sahar bahaa kiyaa shakl-e-asaa-e-musavi thaa to vo gesu-e-daraaz par use dast-e-shaana ne de ke kham aur dutaa kiyaa zeb-e-sar-e-shahaan kabhi tu ne na dekhaa tira-bakht baal-e-magas ne kab dilaa kaar-e-par-e-humaa kiyaa taar-e-nafas ulajh gayaa mere gulu mein aa ke jab naakhun-e-tegh-e-yaar ko main ne girah-kushaa kiyaa bosa-e-lab se ek din us ke huaa na kaamyaab dilbar-e-bad-zabaan ki main gaaliyaan hi sunaa kiyaa aa ke salaasil ai junun kyuun na qadam le baad-e-qais is kaa bhi ham ne silsila az-sar-e-nau bapaa kiyaa munh to na thaa ye ghair kaa us ko khilaae barg-e-paan par na miraa jo bas chalaa khun-e-jigar piyaa kiyaa us ki shikastagi kaa gham kyuun na ho mujh ko saaqiyaa meri baghal mein aah yaan shisha-e-dil rahaa kiyaa taar-e-nafas judaa kiyaa barbat-e-tan se mere aah kaudak-e-mutrib aur kyaa tujh ko kahun bajaa kiyaa koh ko khinchtaa jo tu kaah-rubaa to jaante ik par-e-kaah ko uThaa naaz kiyaa to kyaa kiyaa kyuun ho khizr-e-rah-ravaan khaak-nashini pe miri jis ne ba-shakl-e-naqsh-e-paa mujh ko hai rahnumaa kiyaa shola-rukhon ke ishq ne kunj-e-mazaar mein bhi aah sone diyaa na chain se main to sadaa jalaa kiyaa mujh ko hai hijr-o-vasl ek is ki khushi na us kaa gham kaisi musibaton ke din baar-e-khudaa bharaa kiyaa vasl huaa to ye huaa maar-e-siyaah jaan kar raat bhar apni zulf ke saae se vo Daraa kiyaa aur main muddaaa-talab aish se naa-umid ho shola-e-shama ki tarah sar ko paDaa dhunaa kiyaa mudrika-e-bashar hai kyaa paae jo us ki kunah ko chaahaa jo us ne so kiyaa kaun kahe ki kyaa kiyaa yaani banaa ke chashm ko surat-e-shisha-e-hubaab saahib-e-zarf thaa jo dil jaam-e-jahaan-numaa kiyaa apni sharaaraton se vo baaz na aayaa ai 'nasir' mujh ko rulaa ke abr saan barq-e-namat hansaa kiyaa"

"yaaro nahin itnaa mujhe qaatil ne sataayaa jitnaa ki mare dushman-e-jaan dil ne sataayaa kuchh sarzanish-e-kaar kaa shaaki vo nahin hai majnun ko to hai saahib-e-mahmil ne sataayaa ghuncha kahun yaa durj-e-guhar tere dahan ko khulnaa nahin is uqda-e-mushkil ne sataayaa aaraam se soyaa na kamar kaa tiri kushta marqad mein bhi muraan-e-tah-e-gil ne sataayaa us kaa mujhe shab yaad dilaayaa rukh-e-pur-nur shakl apni dikhaa kar mah-e-kaamil ne sataayaa meraa dil-e-saudaa-zada kartaa na kabhi ghul is kaakul-e-pechaan ke salaasil ne sataayaa afyun ki kisi roz main khaa jaaungaa goli be-vajah rukh-e-yaar ke gar til ne sataayaa jab bosa main maangun huun to kyaa kahte ho munh pher aisaa to kisi bhi nahin saail ne sataayaa har jaa mutajalli hai vo be-parda va-lekin ghaflat ke mujhe parda-e-haail ne sataayaa thaa ek to sayyaad giraftaar qafas mein aur dusre aavaaz-e-anaadil ne sataayaa ai ham-safaraan pesh-ravi ki nahin taaqat kyaa kiije hamein duri-e-manzil ne sataayaa pahlu mein 'nasir' aah nahin hai dil-e-muztar is sher-e-gham-aaluda-e-be-dil ne sataayaa"

"jab talak charb na juun sham-e-zabaan kijiyegaa sarguzisht apni kaa kyaa khaak bayaan kijiyegaa barq saan hans ke jo vaa aap dahaan kijiyegaa maani-e-makhzan-e-asraar ayaan kijiyegaa dil ko jab maail-e-chashmaan-e-butaan kijiyegaa turfat-ul-ain mein sair-e-do-jahaan kijiyegaa dil-e-sad-paara miraa shisha-e-ba-shikasta hai is ko paamaal zaraa dekh ke haan kijiyegaa dil-e-pur-aabla laayaa huun dikhaane tum ko band ai shisha-garo! apni dukaan kijiyegaa kyuun lagaate ho mire sina-e-sad-chaak ko haath chashm-e-sozan se nazar bakhiya-garaan kijiyegaa tum ko apnaa dil-e-pur-daagh dikhaate jo kabhi sair-e-gulshan na phir ai laala-rukhaan kijiyegaa haath se mohtasib-e-dahr ke ik din barpaa sar pe shishe ke kharaabi na yahaan kijiyegaa aabru madd-e-nazar ham ko hai teri yaan tak ashk ko rokiyegaa zabt-e-fughaan kijiyegaa kyunki nargis tiri aankhon se kare ham-chashmi jab tak us kaa na ilaaj-e-yaraqaan kijiyegaa ru-kashi dekh na kar gosha-nashinon se falak har tarah se tiri khaatir pae-shaan kijiyegaa naavak-e-aah lagaaeinge piyaape tujh par qadd-e-kham-gashta ko jab apne kamaan kijiyegaa abr-e-naisaan ki bhi jhaD jaaegi pal mein shekhi dida-e-tar ko agar ashk-fishaan kijiyegaa dil mein kuchh ye na samajhnaa ki hamaaraa hai daur jaamadaari mein shak ai baada-kashaan kijiyegaa dil mein rakhte ho khayaal us ki kamar kaa jo 'nasir' laa-makaan mein kahin kyaa jaa ke makaan kijiyegaa"

"tire daant saare safed hain pae-zeb paan se mal kar aa nahin dekhe aaj tak abr mein mujhe ab dikhaane ko akhtar aa shab-e-vaa'da tu agar aae hai to darang kyaa hai mire ghar aa ki ye aankhein lag rahi dar se hain shab-e-rashk-e-mah ba-khudaa dar aa mire sar pe har ghaDi faakhta kare kaam kyunki na are kaa qad-e-dil-rubaa ke huzur tu na chaman mein ban ke sanobar aa mire tan se sar ko judaa kar ab nahin khun-bahaa ki mujhe talab ki ye tan ye baar-e-giraan hai bas kahin tegh le ke sitamgar aa ye makaan hain donon tire liye nahin ghair kaa hai yahaan guzar jo tu chashm mein nahin aae hai mire dil mein yaar sukhanvar aa tiri raah dekhun main taa-kujaa kahun kis se ye ki khabar hi laa miraa us se le ke javaab-e-khat kahin jald uD ke kabutar aa ba-juz abr de but-e-baada-kash nahin dil ke vaaste jaae-khush ki ye shisha aur vo taaq hai tu 'nasir' jaa ke use dhar aa"

"na kyuun ki ashk-e-musalsal ho rahnumaa dil kaa tariq-e-ishq mein jaari hai silsila dil kaa dikhaa ke dast-e-hinaai na khuun bahaa dil kaa ki aur rang se lungaa main khun-bahaa dil kaa main tifl-e-ashk ko mizhgaan pe dekh hairaan huun ki nur-e-dida hai yaa hai baalakaa dil kaa tu aaine pe na apne kar ai sikandar naaz ki ham bhi rakhte hain jaam-e-jahaan-numaa dil kaa bahisht pahunche hai zaahid! kab us ki vusat ko ajab ravish kaa hai ye baagh-e-dil-kushaa dil kaa bajaa huun sar-ba-garebaan ki us ke daaman tak na pahunchaa aah kabhi dast-e-naa-rasaa dil kaa tire khadang-e-mizha se hai yak-qalam majruh na puchh ai but-e-bad-kesh! maajraa dil kaa lagaai kis but-e-mai-nosh ne hai taak us par subu-ba-dosh hai saaqi jo aabla dil kaa hazaar bain kahein kyuun na ahl-e-binaai ki saaf bu-qalamon hai ye aainaa dil kaa bahaar tujh ko dikhaaeinge ham bhi ai gul-ru kisi ravish se jo ghuncha kabhi khilaa dil kaa zuhur-e-jalva-e-maabud hai bahar-surat rakhaa hai naam bajaa khaana-e-khudaa dil kaa ruvaaq-e-chashm mein mat rah ki hai makaan-e-nuzul tire to vaaste ye qasr hai banaa dil kaa qaraar o taaqat o sabr o khirad hue sab gum tumhaari zulf mein abtar hai haal kyaa dil kaa kaheinge ham ye saraasar jo koi puchhegaa savaad-e-hind mein luuTaa hai qaafila dil kaa na kyunki aah se khaatir nishaan ho ab meri ki tiir ye nahin kartaa kabhi khataa dil kaa hamaare daagh se bhanvre ko kyaa bhalaa nisbat ki vo rafiq hai gul kaa ye aashnaa dil kaa lagaa na dil ko tu apne kisi se dekh 'nasir' buraa na maan ki is mein nahin bhalaa dil kaa"

"us kaakul-e-pur-kham kaa khalal jaae to achchhaa dil sar se balaa tere ye Tal jaae to achchhaa bose kaa savaal us se karun huun to kahe hai chal re mire kuchh munh se nikal jaae to achchhaa isbaat na ho daava-e-khun us pe ilaahi surat mire qaatil ki badal jaae to achchhaa le sar pe vabaal apne patangon kaa na ai shama tu aur bhi joban se jo Dhal jaae to achchhaa Dasne ko miraa dil hai tiri zulf ki naagin taaus-khat us ko jo nigal jaae to achchhaa ham chashmi teri chashm se kartaa hai ye baadaam us ko koi patthar se kuchal jaae to achchhaa zulfon ke tasarruf mein hai be-vajh rukh-e-yaar kuffaar kaa kaabe se amal jaae to achchhaa khuun ho ke ravaan dil ho gar aankhon se to behtar yaa ishq ki aatish mein ye jal jaae to achchhaa lab par se bulaaq apni dam-e-bosa uThaa do andesha-e-zambur-e-asal jaae to achchhaa pahlu se nikal jaae agar dil to balaa se tu chhoD ke khaali na baghal jaae to achchhaa kahte hain 'nasir' apni na tum aah ko roko ye tiir nishaane pe jo chal jaae to achchhaa"

"jo raqibon ne kahaa tu vahi bad-zan samjhaa dost afsos na samjhaa mujhe dushman samjhaa naa-tavaan vo huun ki bistar pe mujhe dekh ke aah taar-e-bistar koi samjhaa koi sozan samjhaa tegh-e-qaatil jo mohabbat se lagi aa ke gale taab ko us ki main apni rag-e-gardan samjhaa apne paajaama-e-kam-khvaab ki har boTi ko shama-ru shab ko charaagh-e-tah-e-daaman samjhaa sur-at-e-ablaq-e-ayyaam se ghaafil thaa aah dam-e-aakhir main use umr kaa tausan samjhaa khaar-e-sahraa se chhidi jab kaf-e-paa majnun ki khaak-bezi ko vo ghirbaal kaa rauzan samjhaa kamar-e-yaar kaa az-bas-ki jo rahtaa hai khayaal dil ko main chini-e-mu-daar kaa bartan samjhaa gul ko maalum na thi hasti-e-faani apni ai nasim-e-sahari vaqt-e-shaguftan samjhaa bistar-e-gul se munaqqash jo huaa us kaa badan tan-e-naazuk pe vo phul-kaari ki chipkan samjhaa jite-ji chaahiye hai aaqibat-e-kaar ki fikr faaeda kyaa agar insaan pas-e-murdan samjhaa mirzaai ko na fariyaad ne chhoDaa taa-marg jigha-e-sar tujhe ai tesha-e-aahan samjhaa aks-afgan hai tire saaghar-e-sahbaa mein ye zulf tu abas ai but-e-mai-kash use naagan samjhaa saaya-e-zulf ne us ke ye diyaa dhokaa raat chalne vaalon ne jise afi-e-rahzan samjhaa chashm ne apni taraf se to sujhaai thi 'nasir' dil na par us sitam-ijaad ki chitvan samjhaa"

"lagaa jab aks-e-abru dekhne dildaar paani mein baham har mauj se chalne lagi talvaar paani mein nahaanaa mat tu ai rashk-e-pari zinhaar paani mein habaab aisaa na ho shisha bane ik baar paani mein sunaa ai bahr-e-khubi teri aThkheli se chalne ki uDaai rafta rafta mauj ne raftaar paani mein jhalak is tere kafash-e-pusht-e-maahi ki agar dekhe kare qaalib tahi maahi bhi phir laachaar paani mein nahin lakht-e-jigar ye chashm mein phirte ki mardum ne charaagh ab kar ke raushan chhoDe hain do-chaar paani mein lab-e-dariyaa pe dekh aa kar tamaashaa aaj holi kaa bhanvar kaale ke daf baaje hai mauj ai yaar paani mein kahun kyaa saath ghairon ke to us be-did ne hamdam nahaane ke liye hargiz na ki takraar paani mein kahaa main ne jo itnaa rakh qadam is dida-e-tar par lagaa kahne ki aati hai miri paizaar paani mein 'nasir' aasaan nahin ye baat paani sakht mushkil hai uThaai rekhte ki tu ne kyaa divaar paani mein"

"talab mein bose ki kyaa hai hujjat savaal digar javaab digar samajh ke kah baat be-muravvat savaal digar javaab digar kalaam tujh se hai aur apnaa sukhan ko ham tere kyunki jaanein zaraa ye khulti nahin haqiqat savaal digar javaab digar main apne matlab ki kah rahaa huun vo aaina-ru ik 'aib mein hai bhalaa ho milne ki khaak surat savaal digar javaab digar agar kahun main sanvaaro zulfein to vo bigaDte hain de ke gaali 'ajab nasibon ki kuchh hai shaamat savaal digar javaab digar miraa to paighaam vasl kaa hai tumhaari taqrir hijr ki hai butaan hai ye bhi khudaa ki qudrat savaal digar javaab digar kahaa jo main ne ki do miraa dil to bole hans kar kidhar hai dilli kahun to kyaa aur un ko rahmat savaal digar javaab digar"

"zulf kaa kyaa us ki chaTkaa lag gayaa zor-e-dil ke haath laTkaa lag gayaa taar-e-mizhgaan par chalaa jaataa hai ashk kaam par laDkaa ye naT kaa lag gayaa chashm-o-abru par nahin mauquf kuchh jaan-e-man dil jis kaa aTkaa lag gayaa jaam-e-gul mein kyuun na de shabnam gulaab subh-dam ghunche ko chaTkaa lag gayaa manzil-e-gum-karda ik main huun 'nasir' raah se jo koi bhaTkaa lag gayaa"

"bayaabaan marg hai majnun-e-khaak-aaluda-tan kis kaa siye hai sozan-e-khaar-e-mughilaan tu kafan kis kaa ba-gard-e-kaarvaan dil juun jaras hai naara-zan kis kaa azizo kam huaa hai yusuf-e-gul-pairahan kis kaa paDaa rahne de ab hai tujh ko fikr-e-ghusl-e-tan kis kaa shahid-e-naaz huun teraa lahad kis ki kafan kis kaa"

"nikhat-e-gul hain yaa sabaa hain ham nahin maalum kuchh ki kyaa hain ham ru-shanaasi hai ham ko aaina-saan ek aalam se aashnaa hain ham khaaksaari se bazm-e-aalam mein safha-e-naqsh-e-boriyaa hain ham hai hamin se vo shaahid-e-maani harf-e-matlab ke muddaaa hain ham jaam-e-mai saaqiyaa shitaabi de kaun kahtaa hai paarsaa hain ham shama-saan hai daraaz rishta-e-umr ki fanaa hone se baqaa hain ham tere kucha talak ki taaqat hai nahin itne shikasta-paa hain ham baang-e-sankh aur naala-e-naaqus kahe hamdam jo kam-numaa hain ham chashm kyaa kiije vaa ba-rang-e-hubaab turfat-ul-ain mein havaa hain ham nargisi chashm thaa vo kaafir aah jis ke bimaar-o-mubtalaa hain ham naazninaan-e-dahr ke har dam kushta-e-ghamza-o-adaa hain ham ai vafaa tu kidhar hai ho dam-saaz kushta-e-khanjar-e-jafaa hain ham chashm-e-bad-dur kyaa ghazal hai 'nasir' khuub is fan mein marhabaa hain ham"

"dil jalva-gaah-e-surat-e-jaanaana ho gayaa shisha ye ek dam mein pari-khaana ho gayaa shab kyuun ki saltanat na kare taaj-e-zar se shama rashk-e-par-e-humaa par-e-parvaana ho gayaa kaifiyyaton se gardish-e-chashm-e-butaan ki dil shisha kabhi banaa kabhi paimaana ho gayaa tughyaani-e-sarishk se apni bhi baad-e-qais dariyaa kaa paaT daaman-e-viraana ho gayaa zanjir kyuun na us ki qadam-bos ho bhalaa jo koi tere ishq mein divaana ho gayaa yaan tak kiyaa hai shohra-e-aafaaq ishq ne qissa miraa bhi khalq mein afsaana ho gayaa kyaa roiye kharaabi-e-iqlim-e-dil ko dekh aankhon ke dekhte hi to kyaa kyaa na ho gayaa saaqi kidhar phire hai tu tanhaa ba-rang-e-jaam tujh bin kharaab in dinon mai-khaana ho gayaa aankhon se tujh ko yaad main kartaa huun roz-o-shab be-did mujh se kis liye begaana ho gayaa baavar nahin to ashk-e-musalsal ko dekh le dast-e-mizha mein subha-e-sad-daana ho gayaa kahte hain us ke silsila-e-zulf mein 'nasir' dil bhi murid ab sifat-e-shaana ho gayaa"

"vaan kamar baandhe hain mizhgaan qatl par donon taraf yaan saf-e-ushshaaq hain zer-o-zabar donon taraf zulf kaa sar-basta kucha maang kaa rasta hai tang dil tiri shaamat hai mat jaa be-khatar donon taraf dair-o-kaaba mein tafaavut khalq ke nazdik hai shaahid-e-maani kaa har surat hai ghar donon taraf hai vo dariyaa mein nahaataa main huun gharq-e-aab-e-sharm kuchh ajab ik maajraa hai Turfa-tar donon taraf ishq vo hai jis ke haathon qumri o bulbul ke aah zer-e-sarv-o-gul paDe hain baal-o-par donon taraf chashm mein kyaa nuur hai dil mein bhi us kaa hai zuhur zaahir-o-baatin vahi hai jalva-gar donon taraf aamad-o-shud mein hai dekhi sair-e-basti-o-adam ham ko is mehmaan-saraa mein hai safar donon taraf shama kuchh jalti nahin parvaana bhi detaa hai ji sozish-e-ulfat se hai ji kaa zarar donon taraf panja-e-mizhgaan pe rakhkhun kyuun na main dil aur jigar nazr ko laayaa huun teri kar nazar donon taraf dil mein gar aataa hai to aa jaan-e-man aankhon ki raah is makaan-e-dil-kushaa ke hain ye dar donon taraf kuchh habaab o bahr mein mat farq samjho ai 'nasir' dekho Tuk chashm-e-haqiqat khol kar donon taraf"

"main zoaf se juun naqsh-e-qadam uTh nahin saktaa baiThaa huun sar-e-khaak pe jam uTh nahin saktaa ai ashk-e-ravaan saath le ab aah-e-jigar ko aashiq kahin be-fauj-o-alam uTh nahin saktaa saqf-e-falak-e-kohna mein kyaa khaak lagaaun ai zoaf-e-dil is aah kaa tham uTh nahin saktaa sar maarka-e-ishq mein aasaan nahin denaa gaaDe hai jahaan shama qadam uTh nahin saktaa hai jumbish-e-mizhgaan kaa kisi ke jo tasavvur dil se khalish-e-khaar-e-alam uTh nahin saktaa dil par hai mire khema-e-har-aabla asnaad kyaa kijiye ki ye lashkar-e-gham uTh nahin saktaa har jaa mutajalla hai vo bar parda-e-ghaflat ai moatakif-e-dair-o-haram uTh nahin saktaa yuun ashk zamin par hain ki manzil ko pahunch kar juun qaafila-e-mulk-e-adam uTh nahin saktaa ro ro ke likhaa khat jo use main ne to bolaa ik harf sar-e-kaaghaz-e-nam uTh nahin saktaa har dam lab-e-favvaara se jaari ye sukhan hai paani na zaraa jis mein ho dam uTh nahin saktaa main uTh ke kidhar jaaun Thikaanaa nahin koi meraa tire kuche se qadam uTh nahin saktaa mehndi to saraasar nahin paanv mein lagi hai tu bahr-ayaadat jo sanam uTh nahin saktaa bimaar tiraa surat-e-tasvir-e-nihaali bistar se tire sar ki qasam uTh nahin saktaa main shaah-savaar aaj huun maidaan-e-sukhan mein rustam kaa mire aage qadam uTh nahin saktaa kyaa neza hilaavegaa koi ab ki kisi se yaan tausan-e-rahvaar-e-qalam uTh nahin saktaa juun ghuncha 'nasir' us but-e-gul-ru ki jo hai yaad yaan sar ho garebaan se baham uTh nahin saktaa"

"chashm mein kab ashk bhar laate hain ham raat din moti hi barsaate hain ham jabki vo tir-e-nigah khaate hain ham sahm kar bas sard ho jaate hain ham jins-e-dil ko chhoD mat ai zulf-e-yaar hai ye saudaa muft Thahraate hain ham naasehaa dast-e-junun se kaam hai kab ye chaak-e-jeb silvaate hain ham is qadar mat kar sharaarat shoala-khez teri in baaton se jal jaate hain ham kaun kahtaa hai na kiije imtihaan gar abhi kahiye to mar jaate hain ham khat but-e-nau-khat likhe hai ghair ko pech-o-taab is vaaste khaate hain ham kholiye kyaa aankh maanind-e-habaab turfat-ul-ain aah miT jaate hain ham chheDne se zulf ke uljho na tum paD gayaa hai pech suljhaate hain ham garche hain darvesh lekin ai falak tujh ko khaatir mein nahin laate hain ham niim naan ke vaaste kab juun hilaal tere aage haath phailaate hain ham gulshan-e-duniyaa hai nairangi ke saath aur kuchh us ki ravish paate hain ham kab ba-rang-e-bu-e-gul baahar sabaa apne jaame se nikal jaate hain ham jis qadar haan dekhte hain oDhnaa paanv yaan utne hi phailaate hain ham kyaa karein kis se kahein naa-chaar hain dil ki be-taabi se ghabraate hain ham koi bhi itnaa nahin kahtaa 'nasir' sabr kar zaalim use laate hain ham"

"na dikhaaiyo hijr kaa dard-o-alam tujhe detaa huun charkh-e-khudaa ki qasam mire yaar ko mujh se na kiijo judaa tujhe sarvar-e-har-dusraa ki qasam vo sanam kai din se hai mujh se khafaa nahin aataa idhar ko khudaa ki qasam dil-e-mushfiq-e-man use khinch to laa tujhe jazba-e-kaah-rubaa ki qasam yahi chaahe hai ji ki gale se lago zaraa mere dahan se dahan to malo nahin ghurfe se aan ke jhaank to lo tumhein apni hai sharm-o-hayaa ki qasam kabhi shab ko akelaa jo paaun tujhe to gale se phir apne lagaaun tujhe kabhi chhaati pe apni sulaaun tujhe mujhe ishq ke jaur-o-jafaa ki qasam tire uThte hi pahlu mein dard uThaa tire jaate hi dam ye adam ko chalaa mujhe chhoD ke aah tu ghar ko na jaa tujhe apne hi funduq-e-paa ki qasam mujhe bahr-e-khudaa kahin us se chhuDaa tire hijr ki shab hai ye kaali balaa nahin jhuuT main kahtaa kuchh is mein zaraa mujhe teri hi zulf-e-dotaa ki qasam aji dekho to kaisi uThi hai ghaTaa yahi aish kaa din hai uDaa le mazaa karo baada-kashi mire maah-laqaa tumhein detaa huun abr-o-havaa ki qasam aji jaati hai aaj tu vasl ki shab nahin kyuun hai milaayaa labon se ye lab mujhe ab to uDaane de aish tu ab tujhe apne hai mehr-o-vafaa ki qasam lage teri balaa mujhe aafat-e-jaan kabhu phir bhi ye kah ke khilaaegaa paan mire sar ki qasam miri jaan ki qasam mire ghamza-o-naaz-o-adaa ki qasam marein ghair pe aap main tum pe marun mujhe kyaa hai gharaz kaho kyuun main jalun yahi ji main hai tum se na baat karun mujhe apni is aah-e-rasaa ki qasam kise dekhun kaho lagun kis ke gale shab-e-vasl mein mujh se jo tu ye kahe ki ye baada-e-surkh tu pi le tujhe mire haathon ke rang-e-hinaa ki qasam kahaan jaataa hai munh ko chhupaae hue tire hijr mein jaate hain ham to mare kabhi muD ke idhar ko bhi dekh to le tujhe hazrat-e-sher-e-khudaa ki qasam suno seri na ho mujhe khaao aji mujhe piiTo jo mujh ko giraao aji mire ghar se na aaj to jaao aji tumhein meri hi shab ki bukaa ki qasam mire bichhDe ko mujh se milaao koi mire ruThe ko laa ke manaao koi are yaaro tum us ko bulaao koi tumhein khaaliq-e-arz-o-samaa ki qasam"

"meri turbat par chaDhaane DhunDtaa hai kis ke phuul teri aankhon kaa huun kushta rakh de do nargis ke phuul ek din ho jaaungaa tere gale kaa haar main sunghne ko mat liyaa kar haath mein jis tis ke phuul bistar-e-gul par jo tu ne karvaTein liin raat ko itr-aagin ho gae ai gul-badan sab pis ke phuul vasl-e-mahvash kaa dilaa muzhda hamein de hai charaagh jhaDte hain har dam shab-e-hijraan mein munh se is ke phuul kuchh khabar bhi hai tujhe chal faatiha ke vaaste aaj hain ai shokh tere aashiq-e-muflis ke phuul aur hi kuchh rang hai siine ke daaghon kaa mire is ravish ke hain kahaan tere sipar par mis ke phuul tu hai vo jo mahr-o-mah shaam-o-sahar tujh par se vaar sim-o-zar ke pheinkte hain biich mein majlis ke phuul kyaa navaa-sanji karein ai ham-safiraan-e-chaman aa gai fasl-e-khizaan gulshan se saare khiske phuul hain mah o khurshid jo shaam o sahar tujh par se vaar siim o zar ke pheinkte hain biich mein majlis ke phuul kis ne sikhlaai hai tujh ko ye ravish raftaar ki miT gae qaalin ke jo tere qadam se ghis ke phuul phuljhaDi se kam nahin mizhgaan-e-ashk-afshaan tiri motiyaa ke dekhnaa jhaDte hain munh se is ke phuul rang-e-khub-o-zisht mein kyuun farq samjhe hai 'nasir' khaar bhi tu hai usi kaa hain banaae jis ke phuul"

"kyuun na kahein bashar ko ham aatish-o-aab o khaak-o-baad qudrat-e-haq se hain baham aatish-o-aab o khaak-o-baad akhgar-e-ghuncha aab-ju gard-e-chaman nasim-e-subh hain ye girah-kushaa-e-gham aatish-o-aab o khaak-o-baad huqqe ko ahl-e-maarifat kyun-ki na samjhein hamdam ab ye bhi rakhe hai besh-o-kam aatish-o-aab o khaak-o-baad sozish-e-daagh-o-aabla gard-e-alam shumaar-e-dam hijr mein chaaron hain baham aatish-o-aab o khaak-o-baad barq-o-sahaab o gard-baad dasht-e-junun mein saath hain hain ye mire rafiq-e-dam aatish-o-aab o khaak-o-baad ru o araq ghubaar-e-khat jumbish-e-zulf ki havaa chaaron hain dil ke haq mein sam aatish-o-aab o khaak-o-baad chashm mein aatishin hain ashk dil mein ghubaar-e-aah-e-sard donon se lete hain janam aatish-o-aab o khaak-o-baad mujh ko khudaai ki qasam rakhte hain ghere dam-ba-dam tere ye ishq mein sanam aatish-o-aab o khaak-o-baad kyuun na havaas-e-khamsa gum ahl-e-sukhan ke hon 'nasir' tujh hi se bas hue raqam aatish-o-aab o khaak-o-baad"

"liyaa na haath se jis ne salaam aashiq kaa vo kaan dhar ke sune kyaa payaam aashiq kaa qusur-e-shaikh hai firdaus o huur ki khvaahish tiri gali mein hai pyaare maqaam aashiq kaa ghurur-e-husn na kar jazba-e-zulekhaa dekh kiyaa hai ishq ne yusuf ghulaam aashiq kaa tire hi naam ki simran hai mujh ko aur tasbih tu hi hai vird har ik subh-o-shaam aashiq kaa vafur-e-ishq ko aashiq hi jaantaa hai 'nasir' har ik samajh nahin saktaa kalaam aashiq kaa"

"yaan se deinge na tum ko jaane aaj laakh ab tum karo bahaane aaj bin liye aaj teraa bosa-e-lab kab bhalaa dungaa tujh ko jaane aaj bas ye mujh se na tum karo kal kal itni hai kal kahaan ki jaane aaj daagh juun laala khaa chaman mein nasim main bhi aayaa huun gul khilaane aaj lag gayaa khaak ho ke jism-e-'nasir' kucha-e-yaar mein Thikaane aaj"