Ghazal

"yuun tiri raah mein paDe hue hain jaise dargaah mein paDe hue hain gham hain jitne bhi is zamaane ke meri ik aah mein paDe hue hain mere bachchon ke khvaab to filhaal chhoTi tankhvaah mein paDe hue hain bach ke nikle jo maut ke munh se yaad-e-allaah mein paDe hue hain kab kisi ki hui hai ye duniyaa ham abas chaah mein paDe hue hain khaak honaa nasib hai lekin hashmat-o-jaah mein paDe hue hain ik nazar ham pe mahvish-e-aazam tere kunjaah mein paDe hue hain kuchh gharaz hi nahin jise ham se us ki parvaah mein paDe hue hain jin ko zindaan mein honaa chaahiye thaa hujra-e-shaah mein paDe hue hain aap se ham-kalaam hai 'aabid' log kyon vaah mein paDe hue hain"

"ye kyaa paDi hai tujhe dil jalon mein baiThne ki ye umr to hai miyaan doston mein baiThne ki chhupaai jaati nahin zardiyaan so duur huun main vagarna hoti hai khvaahish gulon mein baiThne ki shumaar meraa bhi karte hain log in mein magar miri majaal kahaan shaairon mein baiThne ki abhi na ungli uThaa mujh pe thoDi mohlat de tamiz siikh rahaa huun baDon mein baiThne ki mujhe badal ke koi aur hi banaa diyaa hai ki intihaa hai ye surat-garon mein baiThne ki dikhaa rahe hain tavaatur se khaamiyaan meri bhagat rahaa huun sazaa aainon mein baiThne ki nahin majaal kisi ki ki muntashir kar de banaa chuke hain jo aadat safon mein baiThne ki khazaane luTte raheinge ye khaali hone tak ujaaD degi ye aadat gharon mein baiThne ki khudaa ataa kare ohda baDaa gharib ko aur badal sake na vo khu naukaron mein baiThne ki khushaamadi nahin rakhtaa hai apne kaam se kaam to kyaa paDi hai tujhe afsaron mein baiThne ki ye dil scan karaanaa bahut zaruri hai ki ittilaaa hai tire dhaDkanon mein baiThne ki hayaat su-e-adam le ke jaa rahi hain 'umar' jo aadatein hain gae mausamon mein baiThne ki"

"baa'd marne ke koi bosa-e-rukhsat degaa kyaa khudaa mujh ko bhi aisi bhali qismat degaa zindagi hai ye miyaan ranj-o-alam to honge jo guzaaregaa vo laazim hai ki qimat degaa farzi duniyaa se nikal aur haqiqat likh de she'r parvaaz karegaa tujhe 'izzat degaa dekh maayus na ho kufr nahin kar pyaare be-dili chhoD khudaa tujh ko bhi raahat degaa kar gai 'umr akaarat miri haae haae ik ghalat-fahmi ki tu mujh ko mohabbat degaa kul milaa ke hai asaasa miraa ye umr-e-ravaan rad nahin hogi du'aa rab miraa barakat degaa main to samjhaa thaa mohabbat kaa bulaavaa hai 'umar' kyaa khabar thi vo mujhe maut ki daavat degaa"

"buraa hi kyaa thaa jo aap apni misaal hote kamaal hote kisi tarah se jo TuuTe rishte bahaal hote kamaal hote ye lailaa majnun ye hiir raanjhaa ye shirin farhaad ki mohabbat thi aisi shiddat kahin jo un ke visaal hote kamaal hote paDhaa nahin thaa nisaab-e-ulfat amal mein aage the har kisi se samajhti duniyaa agar hamein be-misaal hote kamaal hote vo mujh se miltaa khamosh rahtaa khamoshiyon par hi daad paataa magar jo nazron se munfarid se savaal hote kamaal hote ye kyaa ki tanhaaiyon se rishta banaa ke khud ko ganvaa liyaa hai samaa ke mujh mein jo aap meraa jamaal hote kamaal hote jise bhi dekhaa usi ko daavaa-e-husn karte sunaa gayaa hai jahaan bhar mein hasin agar khaal-khaal hote kamaal hote nasib apnaa sukhanvaron mein hamaari ginti na ho sakegi 'umar' adaakaar ham agar baa-kamaal hote kamaal hote"

"vafaa ki khu pas-e-jaah-o-jalaal rah gai thi anaa ke khol mein vo be-misaal rah gai thi khaTak rahi hai na jaane kyon aaj bhi dil mein jo ek baat darun-e-savaal rah gai thi milaa jo mauqa to ham faaeda uThaaeinge ki pichhli baar adhuri dhamaal rah gai thi janaab-e-qais bhi marne mein haq-ba-jaanib the ki shahr bhar mein vahi khush-khisaal rah gai thi samay ki gard ne ojhal kiye sabhi qisse magar jo ek thi chaahat kamaal rah gai thi ghalat kahaa thaa ki raahat mili mohabbat se ye zindagi to thakan se niDhaal rah gai thi ye log aag lagaane mein itne maahir the musaalahat to pas-e-ishtiaal rah gai thi main oDhe phirtaa huun ab june ke mahine mein nishaani us ki jo ik zard shaal rah gai thi vo misl-e-dard paDaa rah gayaa thaa siine mein so us ki yaad bhi ban ke malaal rah gai thi kabhi na sochaa 'umar' us ko Thes pahunchegi use miri mujhe fikr-e-ayaal rah gai thi"

"mujh aise shakhs ki haajat-ravaai karte hue bhaTak gayaa thaa vo kaar-e-khudaai karte hue ki baaton baaton mein manzil se duur le gayaa thaa vo naa-khudaa-e-sukhan rahnumaai karte hue abhi hai vaise kaa vaisaa hi haal andar kaa ki umr Dhal gai dil ki safaai karte hue nisaab-e-ishq abhi tak hai maavaraa-e-khirad ki tiis saal hue hain paDhaai karte hue halaal luqma khilaanaa hai apne bachchon ko hamesha soch ye rakkhi kamaai karte hue vo khel baiThaa mohabbat se phir mohabbat ne javaabi vaar kiyaa kaaravaai karte hue na koi dukh kaa taassur na thi pashemaani malaal tak na huaa bevafaai karte hue diyaa palaT ke sahaaraa sisakti beTi ne ki baap girne lagaa thaa vidaai karte hue taDap ke rakh diye aankhon pe meri haath us ne main zakhm dekh rahaa thaa silaai karte hue jo mo'atabar gine jaate the vo bhi paae gae ghalat jagah pe ghalat ham-navaai karte hue khulus raas na aayaa 'umar' ki jo bhi milaa daghaa hi detaa gayaa bhaai bhaai karte hue"

"ho gayaa jaise tiraa didaar pahlaa aakhiri ho bhi saktaa hai kisi kaa pyaar pahlaa aakhiri umr bhar vo shakhs apni baat par qaaem rahaa aur yuun saabit huaa inkaar pahlaa aakhiri jis qadar ghaayal kiyaa khud sau gunaa ghaayal huaa ishq hi to thaa miraa hathiyaar pahlaa aakhiri is liye main ne guzaari ziist ho kar moatadil samjhaa jaataa hai yahaan meaar pahlaa aakhiri jin kaa daavaa thaa ki har tufaan se Takraaeinge un ko hi lagne lagaa aazaar pahlaa aakhiri har taraf hi paarsaaon kaa milaa jamm-e-ghafir puuri basti mein thaa main bad-kaar pahlaa aakhiri chor thaa munsif ke dil mein tujh pe qaabiz ho gayaa varna 'aabid' thaa tiraa haqdaar pahlaa aakhiri"

"varaq vahi thaa magar dusri parat chaahi ki main ne us ki mohabbat se manfaat chaahi mazaa ajab thaa mohabbat bhari laDaai mein ki chheD kar use fauri muzaahimat chaahi bichhaDte vaqt use muD ke bhi nahin dekhaa tamaam umr judaai mein aafiyat chaahi main aur hi thaa judaa hi thaa is zamaane se aur us ne qais ke jaisi mutaabaqat chaahi khud apni ziist ko barbaad kar liyaa aakhir ki jis ne mujh se zaraa bhi munaafiqat chaahi na jaane kyon mujhe Thukraa diyaa zamaane ne na sim-o-zar ki talab ki na saltanat chaahi bas ek baar mujhe khol kar paDhaa 'aabid' phir us ne meri mohabbat se maazarat chaahi"

"jo bhi hai hasb-e-haal khincheinge us kaa naqsha kamaal khincheinge chuTki kaaTegi vo sharaarat se aur ham us ke baal khincheinge tujh ko mujh se milaane vaale log donon jaanib se maal khincheinge yaar lamhon mein saamne hogaa is tarah maah-o-saal khincheinge bharne vaalaa hai ye mohabbat se vaqt par apnaa jaal khincheinge koi cigarette mazaa na degaa to phir capstan paal mall khincheinge dene honge javaab aakhir-kaar tujh ko mere savaal khincheinge zakhm ghurbat ke sab raqam kar ke karb-e-qaht-ur-rijaal khincheinge aakhir aanaa paDegaa mere liye tujh ko mere khayaal khincheinge gar ye mumkin huaa to apni taraf ek do khush-khisaal khincheinge itne bigDe hain Dar nahin baaqi kyaa baDe apne gaal khincheinge meri ghurbat milegi virse mein is ko mere ayaal khincheinge toD dein Dor hijr ki 'aabid' kab talak ye vabaal khincheinge"

"jo saaf-go hon to unchi jagah khaDaa milungaa vagarna tujh ko kahin khaak mein paDaa milungaa tu saalon baad bhi mujh ko manaane aae to main apni ek hi zid par tujhe aDaa milungaa tu khud ko yunhi giraataa rahaa to aakhir-kaar main tere qad se tujhe sau gunaa baDaa milungaa lakir khinch ke rakhnaa tasalli ki khaatir ki apni had se na yaksar tujhe baDhaa milungaa huun baa-vafaa to miraa sar nahin jhukegaa kabhi jo bevafaa huun to phir sharm se gaDaa milungaa sadaaqatein miri shaadaab hi rakheingi mujhe main zard pattaa nahin huun ki jo jhaDaa milungaa sitam se bhaag ke jiinaa hai maut se bad-tar baraa-e-haq main tujhe daar par chaDhaa milungaa"