Ghazal

"manzilon ki or jaate sab ishaare mar gae aankh ki dahliz par jab khvaab saare mar gae lamha-bhar ko chaand muTThi mein chhupaa ke rakh liyaa lamha bhar mein dekh to kitne sitaare mar gae us ne jab ik phuul ke rukhsaar par bosa diyaa tum ne dekhaa hi nahin kitne nazaare mar gae paaniyon ki chaah mein us ke qadam uTThe to phir ho gayaa dariyaa samundar aur kinaare mar gae us ne jab sar ko mire kaandhe pe aa ke rakh diyaa phir shajar divaar-o-dar aur sab sahaare mar gae vaqt-e-rukhsat hausla jaane kahaan gum ho gayaa soch paagal ho gai alfaaz saare mar gae is tarah sadqe utaare us ne apni zaat ke us ne apne sar se jitne log vaare mar gae"

"gunge bahre hain ye farmaan kahaan sunte hain ai khudaa sun le ki insaan kahaan sunte hain is zamaane mein mohabbat ki zabaan vaalon ko aankhein sunti hain bhalaa kaan kahaan sunte hain laakh chikhaa main ki kachchaa hai miraa ghar lekin mauj mein aae hon tufaan kahaan sunte hain tujh ko apnaa hi samajh ke to sadaaein di thiin mujh ko maalum thaa anjaan kahaan sunte hain un ke had darja taghaaful kaa ye aalam tauba ham pukaarein bhi unhein jaan kahaan sunte hain roz muflis ki sadaaein to udhar jaati hain ahd-e-haazir ke ye sultaan kahaan sunte hain ye koi gaanv nahin hai ki khabar phailegi shahr ke log hain elaan kahaan sunte hain"

"vo jo mujh ko sulaataa rahaa der tak mere sapne churaataa rahaa der tak bhuul jaaungaa kyaa is tarah main use mujh ko likh likh miTaataa rahaa der tak log shams-o-qamar le ke chalte bane main sitaare banaataa rahaa der tak ban sanvar ke yunhi muskuraate hue aaine ko jalaataa rahaa der tak khud se laDtaa rahaa main usi ki tarah phir main khud ko manaataa rahaa der tak us ne jab jab judaai ki baatein kahin main bahaane banaataa rahaa der tak jaane kyaa baat thi vaqt-e-rukhsat ki vo haath mujh se chhuDaataa rahaa der tak main ne dhaDkan ko apni sanbhaale rakhaa vo bhi aansu chhupaataa rahaa der tak saare ilzaam apne hi sar le liye main ta'alluq bachaataa rahaa der tak"

"ashkon se dil ki aag bujhaaeinge aap bhi kar kar ke yaad mujh ko bhulaaeinge aap bhi phir shauq-e-intizaar ki taskin ke vaaste chaukhaT pe ik diyaa to jalaaeinge aap bhi aayegaa zikr jab miraa mahfil mein vaqt-e-shaam aahon ko qahqahon mein dabaaeinge aap bhi TuTeinge aainon ki tarah pal mein ek shab palkon pe jitne khvaab sajaaeinge aap bhi aaegi yaad chaand se chehre ki jab chamak qisse to raushni ke sunaaeinge aap bhi husn-e-tasavvuraat mein likkheinge ek khat likkheinge phaaD deinge jalaaeinge aap bhi jaaeinge roz-e-vasl ke lamhaat ki jagah khushbu-e-lams-e-yaar churaaeinge aap bhi utregaa saare shahr ke chehron pe meraa aks kitnon ko jaan kah ke bulaaeinge aap bhi"

"ishq kaa aisaa to meaar nahin ho saktaa ek hi shakhs se do baar nahin ho saktaa dil ye kahtaa hai vahi shakhs hai dhaDkan kaa sabab dil ki is baat se inkaar nahin ho saktaa sab tujhe dekhne aae hain masihaa mere shahr kaa shahr to bimaar nahin ho saktaa main ne aankhon ko sikhaayaa hai saliqa aisaa ab koi ashk bhi bekaar nahin ho saktaa muskuraate hue guzraa hai yahaan se koi raasta yunhi to gulzaar nahin ho saktaa maar Daale na kahin tujh ko sahaaron kaa junun har koi shakhs to divaar nahin ho saktaa lauT aaya hai to kyaa apnaa banaa luun phir se ho nahin saktaa mire yaar nahin ho saktaa"

"bahut se log hain mujh se khasaara puchhne vaale tumhaaraa naam na le kar tumhaaraa puchhne vaale tire tark-e-taalluq ne bahut se log chhine hain tiri nisbat se aate the hamaaraa puchhne vaale bataao kyaa kahun un ko sabab kyaa hai judaai kaa mire dar par khaDe hain vo dobaara puchhne vaale tire hone se divaarein bhi mujh ko thaam rakhti thiin giraane ko khaDe hain ab sahaaraa puchhne vaale ye khiDki ab nahin khulti makin jaane kahaan gum hain qamar ko chaahne vaale sitaara puchhne vaale bataanaa ye bhi thaa un ko bhanvar hai us kinaare par sunaa hai mar gae saare kinaara puchhne vaale balaa kaa zabt hai mujh mein magar kitnaa karun aakhir kahin se lauT aaein vo khudaaraa puchhne vaale"

"zarurat ke mutaabiq to sahaare laazmi honge agar dariyaa banaanaa ho kinaare laazmi honge ye kaarobaar-e-ulfat hai yahaan dil ko baDaa rakhnaa mohabbat ki tijaarat mein khasaare laazmi honge ye maanaa hai ki ik duniyaa tumhaare saath chalti hai magar kuchh log duniyaa mein hamaare laazmi honge agar tum raushni chaaho chalo phir saath chalte hain falak par chaand ho na ho sitaare laazmi honge vo jis takiye ke niche se miri tasvir milti thi kisi ne khvaab us takiye pe vaare laazmi honge jahaan ham roz milte the vahaan kuchh pal faraaghat ke akele baiTh kar us ne guzaare laazmi honge ye tai tum ne hi karnaa hai ki tum kis samt jaaoge safar mein har jagah 'saaim' ishaare laazmi honge"

"vo mujh ko dastiyaab baDi der tak rahaa main us kaa intikhaab baDi der tak rahaa dekhaa thaa us ne muD ke mujhe ik nazar to phir aankhon mein iztiraab baDi der tak rahaa khushbu bhi qaid ho gai lafzon ke jaal mein khat mein vo ik gulaab baDi der tak rahaa chehre pe phailne lagi taabir ki thakan palkon pe ek khvaab baDi der tak rahaa pahle-pahal to ishq ke aadaab ye bhi the main aap vo janaab baDi der tak rahaa baarish ki tarah mujh pe barastaa rahaa vo shakhs ban kar vo ik sahaab baDi der tak rahaa phir subh tak hi chhat pe sitaare muqim the khiDki mein maahtaab baDi der tak rahaa us ke savaal par sabhi alfaaz mar gae ashkon mein phir javaab baDi der tak rahaa gin-gin ke mujh pe kitne vo ehsaan kar gayaa poron pe phir hisaab baDi der tak rahaa"

"sadaa se muntazir thaa kab sadaa aae dariche se miraa dam ghuT rahaa hai ab havaa aae dariche se tire lahje mein tujh ko hi pukaaraa hai to mumkin hai havaa ke haath ab teraa pataa aae dariche se main dil mein kab talak baar-e-gham-e-jaanaan liye phirtaa jo us ne dar nahin kholaa sunaa aae dariche se kisi ke hijr ki lazzat baDhi hai baad muddat ke kisi ki yaad kaa panchhi uDaa aae dariche se faqiron ko diye hain aaj tere naam par sikke ki teri zindagi ki phir duaa aae dariche se liyaa hai ghar tumhaare ghar ke bilkul saamne kyunki sadaa aae dariche se sadaa aae dariche se tiri ummid par rakkhaa thaa ik jaltaa diyaa jaanaan use bhi aaj ham qasdan bujhaa aae dariche se"

"ashkon se dil ki aag bujhaaeinge aap bhi kar kar ke yaad mujh ko bhulaaeinge aap bhi phir shauq-e-intizaar ki taskin ke vaaste chaukhaT pe ik diyaa to jalaaeinge aap bhi TuTeinge aainon ki tarah pal mein ek shab palkon pe jitne khvaab sajaaeinge aap bhi aaegi yaad chaand se chehre ki jab chamak qissa to raushni ko sunaaeinge aap bhi husn-e-tasavvuraat mein likkheinge ek khat likkheinge phaaD deinge jalaaeinge aap bhi jaaeinge roz-e-vasl ke lamhaat ki jagah khushbu-e-lams-e-yaar churaaeinge aap bhi utregaa saare shahr ke chehron pe meraa aks kitnon ko jaan kah ke bulaaeinge aap bhi"

"chashm-e-giryaan ko jo baada the banaane vaale ro paDe aaj vo logon ko hansaane vaale tum to paani ki mohabbat mein yahaan tak aae ham to paagal the kinaaron ko milaane vaale har nayaa shakhs to matlab ki vafaa maange hai DhunD laate hain vahi yaar puraane vaale yaad karnaa bhi to laazim hai bhulaane ke liye is tarah kaise bhulaaeinge bhulaane vaale roz paani mein utartaa hai koi kachchaa ghaDaa roz marte hain vafaaon ko nibhaane vaale lauT aae ho mire paas to yuun lagtaa hai mar gae saare tire naaz uThaane vaale jab koi kaandhaa mayassar na ho sar rakhne ko dukh bhalaa kaise sunaaeinge sunaane vaale"

"rukh se gesu haTaa mehrbaan baat kar TuTein khaamoshiyaan meri jaan baat kar mujh ko phir se sunaa koi shirin sukhan dil pe utre mire kahkashaan baat kar ye saliqa mohabbat sikhaati hai bas khaamushi ho kahaan aur kahaan baat kar chaar mausam to duniyaa mein maujud hain tujh ko laa duun koi paanchvaan baat kar piTh-pichhe buraai munaasib nahin saamne baiTh mere yahaan baat kar habs-e-bejaa mein dam ghuT rahaa hai miraa ai zamin baat kar aasmaan baat kar tu mire gham ko chhoTaa samajhtaa rahaa dekh zakhmon ke dil par nishaan baat kar"

"ulfat ki jo kitaab the vo log mar gae mehr-o-vafaa kaa baab the vo log mar gae jin par tamaam thi miri be-naam si hayaat chaahat kaa jo hisaab the vo log mar gae laakhon savaal ab miri muTThi mein qaid hain in sab ke jo javaab the vo log mar gae ab to havaa mein aisi ghuTan hai ki yaar bas khushbu the jo gulaab the vo log mar gae jin ki chamak se zindagi mein raushni hui suraj the maahtaab the vo log mar gae vo jin kaa lafz lafz bhi aankhon kaa rizq thaa suljhi hui kitaab the vo log mar gae dil ki khushi bhi un ke tavassut se thi miri dil kaa jo iztiraab the vo log mar gae"

"mohabbaton ki vus'atein khayaal us se puchhnaa phir us ke baa'd dafatan zavaal us se puchhnaa hansaanaa us ko pahle tum mohabbaton ke zikr se hansi mein gham ko DhunDhnaa malaal us se puchhnaa nazar bachaa ke dekhnaa vo kapkapaate honT tum miri khudi pe jab koi savaal us se puchhnaa vo kah rahi thi tum se to bichhaDnaa bhi muhaal hai kiyaa hai kis tarah se ye kamaal us se puchhnaa diyaa thaa pichhle saal us ko ek tohfa pyaar se vo ab bhi oDhti hai naa vo shawl us se puchhnaa kabhi jo us ke shahr mein uThaa savaal husn par zamaana us ki detaa thaa misaal us se puchhnaa vo pahlaa pahlaa 'ishq thaa use khabar na ho saki huaa hai jiinaa kis tarah muhaal us se puchhnaa thiin aansuon ki baarishein bhi qahqahon ke darmiyaan vo hijr us se puchhnaa visaal us se puchhnaa vo laakh Taal de magar vo laakh muskuraae bhi jo haal dil kaa ho rahaa vo haal us se puchhnaa"

"is zabt-e-be-misaal pe shaabaash dijiye mujh ko mire kamaal pe shaabaash dijiye meraa khayaal thaa ki nibhaaegaa umr-bhar mujh ko mire khayaal pe shaabaash dijiye bhar hi gayaa hai zakhm-e-judaai bhi dekhiye ab mujh ko indimaal pe shaabaash dijiye mujh ko qadam qadam pe jo detaa rahaa fareb dilbar ki chaal chaal pe shaabaash dijiye main kah rahaa huun us ko sar-e-aam bevafaa mujh ko miri majaal pe shaabaash dijiye muddat ke baad us ne ye puchhaa ki Thiik ho ab us ke is savaal pe shaabaash dijiye"

"shauq-e-junun ke vaaste dil kaa sukun gayaa muTThi se jaise ret phisalti hai yuun gayaa chashm-e-garaan ne dam liyaa manzar-kashi se ab aankhon ki bhuuk miT gai shauq-e-darun gayaa charchaa thaa us ke shahr mein qaatil nazar hai vo us ki gali mein jo bhi gayaa sar-nigun gayaa aate the pahle mujh ko fusun zindagaani ke jab se gayaa hai vo miraa zauq-e-fusun gayaa maaraa hai is tarah se mujhe hijr-e-yaar ne paikar se jaan nikal gai rag-rag se khuun gayaa ye zindagi mujhe kare yuun hausla ataa koi tiraa jo puchh le hans ke kahun gayaa"