Ghazal

"sab ko paagal banaa rahi huun main apnaa qissa sunaa rahi huun main jaan sanbhalti nahin hai aur us par yaad kaa bojh uThaa rahi huun main ji mein aataa hai puchh luun us se kyaa tujhe yaad aa rahi huun main ik mohabbat hai aur us kaa bhi kyaa tamaasha banaa rahi huun main kis ki yaadein hain baarhaa jin ko aansuon mein bahaa rahi huun main koi puchhe to us ko batlaaun yaad kaise chhupaa rahi huun main"

"sab mujhe teraa talab-gaar samajhte honge ye bhi mumkin hai ki har baar samajhte honge vo jo bhartaa thaa tiri yaad ki tasvir mein rang log us shakhs ko be-kaar samajhte honge jo miraa dard baDhaane ke liye aataa thaa shahr vaale use gham-khvaar samajhte honge itnaa khush ho ke koi mujh se milaa kartaa thaa dekhne vaale adaakaar samajhte honge"

"apne honTon pe tiraa naam na aane dungi main tire hijr ko be-kaar na jaane dungi ab na vo tu hai na vo 'ishq jo pahle thaa kabhi tu agar duur bhi jaaegaa to jaane dungi aansuon mein bahaa dungi mire dil ke TukDe apni aankhon ko tiraa ranj manaane dungi mere mahbub tire baa'd kabhi apnaa haal na sunaaungi kisi ko na sunaane dungi tu agar saamne aayaa to bahut dekhungi aur agar aankh churaaegaa churaane dungi"

"saath dene kaa dilaayaa thaa bharosa tu ne aur phir chhoD diyaa mujh ko akelaa tu ne apni marzi se mujhe chhoD ke jaane vaale meri marzi ko kahaan chhoD diyaa thaa tu ne haae afsos tujhe ab bhi ye maa'lum nahin zindagi meri banaa di hai tamaasha tu ne jaise-taise main binaa roe chali jaati magar kis liye dekh liyaa muD ke dubaara tu ne baat rukhsaar ki hoti to koi baat na thi aaj to ruuh pe maaraa hai tamaancha tu ne"

"tum aaoge numaaish-e-saamaan dekh kar kyon kaarobaar chhoD duun nuqsaan dekh kar nakhre uThaa rahi huun tumhaari talaash ke rukti nahin huun raastaa viraan dekh kar sochaa nahin thaa main ne kabhi tere jaisaa shakhs munh pher legaa mujh ko pareshaan dekh kar vo teraa lams vo tiri baahon ki khushbuein lauTi huun jaise koi gulistaan dekh kar tu laakh bevafaa hai magar sar uThaa ke chal dil ro paDegaa tujh ko pashemaan dekh kar jo kho gayaa thaa phir se kisi moD par milaa hairaan ho gayaa mujhe hairaan dekh kar zaahir na ho ki mujh se tiraa vaasta bhi hai sab ki nazar hai tujh pe miri jaan dekh kar"

"vo haath mere haath se behad qarib thaa phir bhi main chhu nahin saki meraa nasib thaa ab tujh se ban gai to zamaane se ban gai jab tu raqib thaa to zamaana raqib thaa tark-e-ta'alluqaat pe aayaa nahin samajh teraa nasib thaa ki ye meraa nasib thaa kuchh vaqt mein hi mujh se bahut duur ho gayaa vo ek shakhs jo mire sab se qarib thaa aayaa hai khaali haath vo baazaar-e-'ishq se yaadein bhi laa nahin sakaa itnaa gharib thaa"

"dil ki basti mein ujaalaa nahin hone vaalaa meri raaton kaa khasaaraa nahin hone vaalaa main ne ulfat mein munaafe' ko nahin sochaa hai meraa nuqsaan ziyaada nahin hone vaalaa us se kahnaa ki miraa saath nibhaae aa kar meraa yaadon se guzaaraa nahin hone vaalaa vo hamaaraa hai hamaaraa hai hamaaraa hai faqat baavajud is ke hamaaraa nahin hone vaalaa aaj uTThaa hai madaari kaa janaaza logo kal se basti mein tamaasha nahin hone vaalaa"

"apni haalat kaa mujhe dhyaan nahin hotaa hai 'ishq sachchaa ho to aasaan nahin hotaa hai tujh se mil kar mujhe pahle si khushi milti nahin tu mujhe dekh ke hairaan nahin hotaa hai khairiyat puchhtaa hai sirf dikhaave ke liye vo mire haal se anjaan nahin hotaa hai pahle se baDh ke mohabbat hai mujhe tujh se ab kyon yaqin tujh ko miri jaan nahin hotaa hai kab kahaa ye ki mohabbat nahin kartaa hai tu tere hone pe mujhe maan nahin hotaa hai"

"vo dekhtaa hai mujh ko magar be-hayaa nahin main dekhne lagun to mujhe dekhtaa nahin taqdir meri ho gai us phuul ki tarah murjhaa gayaa to phir kabhi phulaa phulaa nahin uTh ke tumhaare dar se kahaan jaaungi bhalaa is shahr mein koi bhi mujhe jaantaa nahin behtar to ab yahi hai tujhe main bhi chhoD duun is raaste ke aage koi raastaa nahin tanhaaiyon ke biich rahi main tamaam raat phir bhi tiraa khayaal mujhe chhu sakaa nahin"

"aankh ko aaina samajhte ho 'aks ko jaane kyaa samajhte ho dost ab kyon nahin samajhte tum tum to kahte the naa samajhte ho apnaa gham tum ko kaise samjhaaun sab se haaraa huaa samajhte ho meri duniyaa ujaD gai is mein tum ise haadisa samajhte ho aakhiri raasta to baaqi hai aakhiri raasta samajhte ho"

"log to log hain logon ki tarah dekhte hain aur ham hain tujhe bachchon ki tarah dekhte hain ham ko duniyaa ne lakaDhaaraa samajh rakkhaa hai ham to peDon ko parindon ki tarah dekhte hain main jo dekhun to jhapakti nahin aankhein meri aur hazrat mujhe andhon ki tarah dekhte hain tum to phir ghair ho tum se to shikaayat kaisi mere apne mujhe ghairon ki tarah dekhte hain teraa didaar qazaa hotaa nahin hai ham se ham tujhe farz namaazon ki tarah dekhte hain"

"dil aise mubtalaa huaa tere malaal mein zulfein safed ho gaiin unnis saal mein aise vo ro rahaa thaa miraa haal dekh kar aayaa huaa ho jaise kisi intiqaal mein ye baat jaanti huun magar maanti nahin din kaT rahe hain aaj bhi tere khayaal mein ik baar mujh ko apni nigahbaani saunp de 'umrein guzaar dungi tiri dekh-bhaal mein vo to savaal puchh ke aage nikal gayaa aTki hui huun main magar us ke savaal mein"

"lag hi nahin rahaa hai ki saalon se duur hain ham aaj-kal tumhaare khayaalon se duur hain us ko kai baras se nahin dekhaa doston yaa'ni kai baras se ujaalon se duur hain us roz teraa sar mire haathon se duur thaa ye haath aaj tak tire baalon se duur hain dekho hamaare dil mein ujaale hain har taraf ham is ke baavajud ujaalon se duur hain tu ham ko apne chaahne vaalon mein jaaniyo ham log tere chaahne vaalon se duur hain"

"rasm-e-aavaargi saughaat nahin hoti hai meri sahraa se mulaaqaat nahin hoti hai bas savaalaat ke detaa hai javaabaat mujhe baat hoti hai magar baat nahin hoti hai apni hasrat kaa galaa ghonT diyaa hai main ne ab dilaason se mulaaqaat nahin hoti hai main ne sochaa na thaa duniyaa se kahungaa ye bhi aaj-kal tujh se miri baat nahin hoti hai ye to baadal hai jo raste se bhaTak jaataa hai varna sahraaon mein barsaat nahin hoti hai"

"is tarah mujh ko kisi dil mein jagah di gai hai jaise bachchi koi koThe pe biThaa di gai hai bas tiri yaad hi baaqi thi mire haathon mein ab tiri yaad bhi haathon se ganvaa di gai hai vo kisi aur se mansub hui hai aise jaise beva kisi Doli mein biThaa di gai hai zehn kirdaar se tabdil huaa logon kaa bas isi jurm mein kaatib ko sazaa di gai hai"

"dil ki haalat sanbhal gai hai ab yaad aage nikal gai hai ab kal to shaamil thaa meri qismat mein meri qismat badal gai hai ab vo miraa haal tum se puchhe to us se kahnaa sanbhal gai hai ab teri yaadein thiin barf ki maanind barf puuri pighal gai hai ab log sahraa ki samt bhaageinge shahr mein aag jal gai hai ab aag rangon ki bujh gai yaa'ni meri tasvir jal gai hai ab"

"aap-biti koi samjhe to bataaun main bhi mujh ko sunnaa koi chaahe to sunaaun main bhi meri aankhein hi sahaaraa nahin detin varna chaahti huun tiri tasvir banaaun main bhi tu ki masruf hai duniyaa ki pareshaani mein tujh ko kis munh se pareshaani bataaun main bhi hijr ki dhuup tiraa jism jalaae kab tak teri ummid ke pardon ko haTaaun main bhi ye to ab quvvat-e-goyaai nahin hai varna teri aavaaz mein aavaaz milaaun main bhi"

"meri khushbu ko havaaon mein uDaane vaalaa lauT ke aayaa nahin chhoD ke jaane vaalaa jaane kis moD pe le aai mohabbat mujh ko yaad aataa hai bahut yaad na aane vaalaa pyaar ke saath mujhe taa'ne diyaa kartaa hai tujh mein bhi rang hai kuchh kuchh to zamaane vaalaa muddatein biit gaiin raah mein baiThi hui hai shahr se jaa bhi chukaa shahr se jaane vaalaa aise bichhDaa hai ki milne ki du'aa kartaa hai har mulaaqaat pe munh pher ke jaane vaalaa"

"nahin meri vaapsi kaa koi e'tibaar kahnaa vo kare na zindagi bhar miraa intizaar kahnaa vo mohabbaton ke mausam tujhe yaad bhi hain hamdam miraa ek baar sunnaa teraa baar baar kahnaa vo sharif aadmi hai miraa tazkira kare naa use jaanti hai duniyaa rahe hoshiyaar kahnaa jo hansaa hai itifaaqan tumhein dekh kar miraa man na ise sitam samajhnaa na ise qaraar kahnaa vo har ek biitaa lamha mujhe yaad aa rahaa hai tiraa mujh se baat karnaa miraa tujh ko yaar kahnaa zaraa ehtiyaat rakkhe mire saamne na aae miraa dekhnaa na kar de use sharmsaar kahnaa"