Ghazal

"tirgi ki shiddat ko subh kaa sitaaraa likh phailne hi vaalaa hai har taraf ujaalaa likh razm-e-gaah-e-hasti mein yuun buraa na soch apnaa dushmanon ke andar ke sulh jo ko achchhaa likh naqsh-e-paa ke jangal mein kyaa shumaar raston kaa hai judaa zamaane se lekin apnaa rasta likh be-hisi kaa ye jaadu TuuT hi to jaaegaa is liye na qarye ko pattharon kaa sahraa likh is nagar ke logon ko pahle bakhsh binaai aur baa'd mein khud ko is nagar kaa iisaa likh harf-e-zehn mein 'bedi' rang se tahi kab hain sirf teraa kaaghaz hai jo abhi hai saada likh"

"vo raushni dimaagh ko denaa khayaal ki haajat rahe mujhe na tumhaare visaal kuchh yuun fanaa huaa huun mohabbat ki aag mein duniyaa ko de chalaa huun kahaani malaal ki vo meri khaamushi ko baDhaataa hai hashr se rakhtaa hai laaj mere lab-e-be-savaal ki sailaab ki shikast pe hanstaa huaa ye shahr aur aasmaan pe qaus-e-quzah bhi kamaal ki har dam havaa ke saath safar ki tarang mein kaisi hayaat hai miri khaak-e-faaal ki 'bedi' mariz dil kaa huun aur dard kaa safir mar jaaungaa na us ne agar dekh-bhaal ki"

"ye apnaa shahr jo hai dasht-e-be-amaan hi to hai is e'tibaar se dil dard kaa makaan hi to hai nahin hai pursish-e-ahvaal ke liye koi bas ek majmaa-e-arvaah-e-raftagaan hi to hai ye daastaan-e-tamannaa ajab sahi phir bhi bhulaa hi degaa zamaana ki daastaan hi to hai ye aur baat abhi inqalaab aa jaae hayaat varna abhi tak vabaal-e-jaan hi to hai sukun kaa ek bhi lamha ho kyuun muqaddar mein ye ahd-e-zist bhi daur-e-sitam-garaan hi to hai rulaa diyaa hai ghaTaa ke suluk ne 'bedi' magar ye tishna-labi ek imtihaan hi to hai"

"yahi likhaa hai ki ab main na maa-sivaa mein rahun safir-e-khaak ki surat kahin khalaa mein rahun sukut kaa ye nagar bhi mujhe aziiz rahe agar main jaa ke kisi mahshar-e-navaa mein rahun main manzilon ke liye raaste mein mar jaaun magar khudaa na kare shahr-e-naa-rasaa mein rahun main dekhtaa hi rahun hashr tak baqaa ke khvaab main hashr tak hi na kyuun panja-e-fanaa mein rahun puraane peD bhi hairat se mujh ko dekhte hain jo un se baDh ke main saabit-qadam havaa mein rahun"

"mere zarre ke muqaddar mein hai sahraa honaa ik na ik roz hai mujh ko bhi huvaidaa honaa shaayad is vaaste pahchaan tiri mushkil hai itnaa aasaan nahin khud se shanaasaa honaa itnaa biinaa huun ki gulshan ki havaa-khvaahi mein dekh saktaa nahin shaakhon kaa barahna honaa dekh is daur mein aalaam-o-masaaib ke hujum dekh is daur mein insaan kaa tanhaa honaa kitnaa aasaan hai sar kaaTte phirnaa 'bedi' kitnaa mushkil hai zamaane kaa masihaa honaa"

"nayaa mausam dar aayaa dasht mein barg-o-samar jaage zamaanon se jo mahv-e-khvaab the qalb-o-nazar jaage nae harfon ke phulon ko sajaayaa vaqt ne lab par nae harfon ke phulon mein nae kaif-o-asar jaage vo daur aayaa sadaa zulm-o-sitam ke bhi khilaaf uTThi hamaari aur tiri duniyaa ke arbaab-e-hunar jaage qayaamat kucha-o-baazaar mein yunhi nahin aai ham apne shahr mein pahle pas-e-divaar-o-dar jaage sivaae tirgi hadd-e-nazar tak kuchh na thaa 'bedi' ye khvaahish thi ki sinon mein tamannaa-e-sahar jaage"

"mehr jab tak halqa-e-aafaaq mein aayaa na thaa tirgi hi mo'tabar hogi kabhi sochaa na thaa zindagi ke shahr mein murda-dili taqdir thi jo bhi jaan-e-bazm thaa us kaa koi chehra na thaa pyaas ko aane lagaa thaa hukmaraani kaa hunar abr kaa TukDaa kisi ko yaad bhi aataa na thaa is se pahle aisi shiddat to andhere mein na thi raushni kaa harf honTon se judaa hotaa na thaa din the lekin inqalaab aane se pahle ke the din phuul abhi mahkaa na thaa patthar abhi bolaa na thaa dukh ke suraj ko savaa neze pe 'bedi' dekh kar khvaab sukh ke dekhtaa thaa aadmi andhaa na thaa"

"apni tajviz par ganvaae gae ham agar is jahaan mein paae gae dil ke atraaf mein umidein thiin dekh dekh un ko muskuraae gae apne hone mein saans lete the mar gae is qadar sataae gae farz the jo nahin hue vo adaa qarz the jo nahin chukaae gae faaeda maut mein dikhaai diyaa ziist vaale udaas paae gae kyaa badi kaa farogh thaa 'bedi' ham se logon pe zulm Dhaae gae"

"har raat intizaar-e-sahar kar liyaa gayaa is tarah zindagi ko basar kar liyaa gayaa meri tamaam umr kaTi iztiraab mein mujh se sukun kaa saans bhi mar kar liyaa gayaa marne se mere ruk na sakaa meraa kaarvaan divaar-e-tirgi mein bhi dar kar liyaa gayaa bedi agar safar mein na saaya kahin milaa saae ki aarzu mein safar kar liyaa gayaa"

"is ek baat pe mushkil mein jaan hai koi sune ki chup hai aur karaan-taa-karaan hai koi sune sadaa yahi hai ki taaraan ke harf sunne do magar koi nahin suntaa fughaan hai koi sune jo nazm bhi hai mohabbat ki nazm lagti hai ki jism-o-jaan mein mohabbat javaan hai koi sune chalaa gayaa hai magar us ke pairahan ki shamim ye kah rahi hai vo ab tak yahaan hai koi sune kamaal-e-subh ke badle hayaat mumkin hai ye baat sher ki surat ayaan hai koi sune bahut baDaa bhi hai 'bedi' ye ret kaa sahraa safar isi liye ik imtihaan hai koi sune"

"jo dahr ki nazar mein khudaavand-e-hosh hai is intihaa-e-zulm pe vo bhi khamosh hai sahraa ki manzilon se pare hai vo laala-zaar parde mein jis ki rut ke koi mai-farosh hai tahzib ustuvaar ki khvaahish ki raah mein naam-e-digar hayaat kaa josh-o-kharosh hai kal tu sunegaa zulm se meraa mukaalima apnaa jahaan aaj hi muhtaaj-e-gosh hai insaan pukaartaa hai koi inqalaab aae patthar ki baat aur hai patthar khamosh hai"

"raaste mein kisi manzil pe bhi aaraam na luun vo musaafir huun ki rukne kaa kahin naam na luun mere haalaat kaa muddat se taqaazaa ye hai apne sar zulm se nafrat kaa main ilzaam na luun habs ke giit hi suntaa rahun is jangal mein umr bhar dast-e-sabaa se koi paighaam na luun band kar luun main ye aankhein ki sitam hotaa hai apni aankhon se zamaane mein koi kaam na luun"

"abr kaa saaya dhuup ki chaadar tere naam is dharti ke saare manzar tere naam shab ke girye se fursat ki sabil kahaan jaisaa bhi hai apnaa muqaddar tere naam girti bijli jaltaa nasheman hanste log mere patthar mere gul-e-tar tere naam gali gali mein tez havaa ki sargoshi aur ghar ghar ke sarv-o-sanobar tere naam chup rah kar main ji luun zulm ki nagri mein yaa main harf sajaa luun lab par tere naam razm mein saari sulh ki baatein aur 'bedi' bazm mein sab chalte hue khanjar tere naam"

"dard paayaa hai to ik dard aashnaa bhi chaahiye pattharon ke is nagar mein aaina bhi chaahiye jis ki mahfil mein sunaai diin qayaamat ke huruf ek aisaa paikar-e-saut-o-sadaa bhi chaahiye main to vo insaan huun jis ki vafaa se hai gharaz baaz logon ko magar daad-e-vafaa bhi chaahiye khaak-daan par zulm hai bechaargi hai khauf hai charkh par ik maalik-e-arz-o-samaan bhi chaahiye in dinon yuun to hai sab ko sang ho jaane kaa shauq aaina-khaane mein rahne ki jagah bhi chaahiye rut badalne se nahin 'bedi' kisi ko bhi gharaz sab ko lekin kuchh alag aab-o-havaa bhi chaahiye"

"ye jo parda hai kisi roz uThaayaa jaae kaun huun main ye zamaane ko bataayaa jaae aarzu ye hai ki divaana kahaa jaae mujhe naam le kar na miraa mujh ko bulaayaa jaae jumbish-e-chashm se naghma hui jaati hai fazaa kyaa qayaamat ho labon ko jo hilaayaa jaae vo miri fikr ki baanhon mein nahin aa saktaa sochtaa huun use siine se lagaayaa jaae jis kaa maabud hai chaDhtaa huaa suraj 'bedi' us ko ehsaas andhere kaa dilaayaa jaae"

"na saarbaan hai na naaqa dikhaai detaa hai na-jaane kis kaa ye khema dikhaai detaa hai bhare jahaan mein akelaa dikhaai detaa hai vo ek shakhs jo sachchaa dikhaai detaa hai musaafiro kahun kyaa raahbar ke baare mein ba-zaahir aadmi saada dikhaai detaa hai kahin zamin ki tah mein bhi shakl-e-aab nahin kahin pahaaD pe chashma dikhaai detaa hai vo aadmi jo kisi par sitam na dekh sake mujhe vo dekhne vaalaa dikhaai detaa hai vo tirgi hai ki kuchh bhi nazar nahin aataa bas ik umiid kaa taara dikhaai detaa hai vo duur dekh darakhton ke jhunD hain 'bedi' vo duur koi jazira dikhaai detaa hai"

"ye zulm hai ki mire shahr kaa jo qaatil hai hazaar jaan se vo dosti ke qaabil hai mujhe hi vaar pe laataa hai har zamaane mein mujhe bataa ye zamaana kahaan kaa 'aadil hai lahu aur aag kaa dariyaa hai mere raste mein ki meri zaat hi raste mein mere haail hai sadaaqaton se nikhartaa hai aadmi kaa shu'ur sadaaqaton ko samajhnaa bahut hi mushkil hai main apni zaat mein huun bahr mujh ko kyaa parvaa amir-e-shahr jo dariyaa-dili pe maail hai miri zabaan se haq baat hi nikalti hai ye aur baat ki chhaati pe jabr ki sil hai hai sarkhushi ki tamannaa bahut mire dil mein vo is liye ki ye dil ek dukh-bharaa dil hai"

"dard bhi ginte raho aur khvaab bhi ginte raho kitnaa achchhaa kaam hai lekin akele mat karo main ne us ki raushni mein jis qadar nazmein kahin in ko divaaron pe likhnaa hai miraa tum saath do umr ke ye saal bhi aakhir guzar hi jaaeinge chaand vaade ki taraf takte raho aur khush raho rizq ki machhli ki khaatir qatl kar dete hain log ho sake to apnaa sab kuchh dusron mein baanT do ab the is ke paas 'bedi' pesh us ne kar diye aarzu anjaam tak pahunchi miyaan jiite raho"

"raushni kaa parda hai darmiyaan tire mere aur pyaar jaari hai pyaar mein mohabbat mein ham na khud ko badleinge aisi apni yaari hai haath mein jo aankhein hain in pe hi faqat takiya kis qadar hai naa-kaafi kuchh madad bhi li jaae dusron se auron se ye bhi hoshiyaari hai Dhang hai samaaat kaa rang hai basaarat kaa be-tarah-o-be-maani nang ke liye dauDein ham bhi saari duniyaa mein ek jang jaari hai surkh lafz hain mere main bhi sher kahtaa huun aur jab sunaataa huun koi bol uThtaa hai sher sher mein tere ek gham-gusaari hai sar barahna shaakhon par ek din vo aataa hai aur gulaab khilte hain tajraba hai ye apnaa ham ne bhi yahaan aakhir zindagi guzaari hai aankh vaale saavan mein ek baat dekhi hai aur kah bhi duun tum se tishnagi miTaataa hai dil ki tishnagi kaa ye qudrati shikaari hai bujh rahi hain kyon aankhein saath maah-o-anjum ke kaun saa ye suraj hai zindagi na chhin jaae aarzi si to 'bedi' zindagi hamaari hai"

"karungaa zindagi mein khalq-aashnaa ho kar savaad-e-sang-e-jahaan mein ik aaina ho kar khizaan kaa daur hai aur dil mein aarzu ye hai ki main gulaab khilaataa phirun sabaa ho kar ye chup kaa shahr mire saath jo suluk kare main chup ke shahr mein zinda rahun sadaa ho kar jo hashr tak rahaa duniyaa mein tirgi kaa samaan to hashr tak main rahungaa charaagh-paa ho kar mire sukut-o-sadaa ke sharik ho jaao rah-e-hayaat se guzreinge qaafila ho kar fanaa kaa shahr hai ye ziist kaa jahaan 'bedi' yahaan maro bhi to paighambar-e-baqaa ho kar"