Ghazal

"koi sukun ki raah nahin hai lekin lab par aah nahin hai daar-o-rasan kaa zikr na chheDo gham se dil aagaah nahin hai vaqt baDaa jallaad hai logo phir bhi ye jaankaah nahin hai fikr nahin jo raah mein apnaa koi agar hamraah nahin hai zarra zarra mazhar un kaa tuur hi jalva-gaah nahin hai azm-e-musammam hai to 'kalim' ab duur tajalli-gaah nahin hai"

"kaash mahfil mein aaj tu bhi ho aur kuchh meri guftugu bhi ho DhunDne mein kuchh aur lutf aae dil mein gar zauq-e-justuju bhi ho kuchh tumhaaraa nishaan nahin miltaa aur duniyaa mein chaar-su bhi ho khaak paidaa ho lutf-e-khud-bini koi aaina ru-ba-ru bhi ho hosh uDte hain kis ke dekheinge guftugu un se du-badu bhi ho tuur par aaein vo 'kalim' magar un ke jalvon ki aarzu bhi ho"

"jo raah-rau mein abhi azm-e-rah-ravi kam hai ba-qaid-e-hosh-o-khirad aaj aagahi kam hai fazaa-e-dahr pe chhaane lagi hai taariki kai charaagh jalaao ki raushni kam hai hain yuun to aaj bhi paaband-e-mehr-o-maah magar hanuz zehn mein insaan ke raushni kam hai hazaar koshish-e-paiham ke baad bhi logo mire zahan mein abhi rabt-e-baahami kam hai simaT ke markaz-e-asli pe aa chuki duniyaa magar dilon mein kuchh ehsaas-e-zindagi kam hai 'kalim' azmat-e-ahd-e-vafaa se vaaqif hai magar shuur-e-vafaa aap ko abhi kam hai"

"zindagi vaqf-e-gham-o-hasrat-o-aalaam sahi aap de dein to yahi ishq kaa inaam sahi na sahi un ki mohabbat kaa asar ai hamdam dil ko ehsaas-e-gham-e-gardish-e-ayyaam sahi be-niyaaz-e-khum-o-paimaana rahe ham lekin aaj saaqi ki inaayat hai to ik jaam sahi us ne dekhaa to sahi dil ko ba-ehsaas-e-vafaa phir bhi afsaana miraa tishna-e-anjaam sahi rahrav-e-shauq ye vaamaandagi-e-shauq hai kyaa duur manzil hai agar aur bhi do-gaam sahi aa bhi jaaein ki nikal jaae miri hasrat-e-did un kaa aanaa hai agar maut kaa paighaam sahi"

"har saaat-e-bahaar-o-masarrat guzar gai dil kyaa gayaa ki lazzat-e-dard-e-jigar gai dil bujh gayaa vafaa pe qayaamat guzar gai achchhaa huaa ki gardish-e-shaam-o-sahar gai dil ko khayaal-e-gardish-e-dauraan nahin rahaa un ki nigaah-e-naaz pe ehsaan kar gai maanaa ki eatibaar-e-zamaana nahin rahaa ummid-e-raaegaan na dil-e-mo'tabar gai shaam-e-firaaq vo nahin aae nahin sahi duniyaa-e-aarzu to miri kuchh sanvar gai jalva-faroz tuur pe dekhaa to thaa 'kalim' puchho na vaqt-e-did jo dil par guzar gai"

"maanaa ki main ik naghma-e-be-saut-o-sadaa huun bhaTke hue logon ke liye baang-e-daraa huun tasvir banaa luun tiri jis rang mein chaahun banda huun magar apne takhayyul kaa khudaa huun fitrat hai miri misl-e-mizaaj-e-gul-e-khandaan hanste hue har moD pe logon se milaa huun khaamosh samundar huun ki Thahraa huaa tufaan is soch mein sadiyon se main saahil pe khaDaa huun aaj apne isi shahr mein ye haal hai logo ik phuul ki maanind main kaanTon mein ghiraa huun"

"koi puuraa jo muddaaa na huaa zindagi ke liye buraa na huaa ai gham-e-dil vo aa ke lauT gae khatm teraa bhi ab fasaana huaa kijiye kyaa ki girya-e-paiham dil-e-muztar kaa aasraa na huaa vo bataaegaa qurb-o-duri ko paas rah kar jo aap kaa na huaa jaan aankhon mein aa gai lekin chaaraagar dard-aashnaa na huaa kyaa bigaaDegaa ai 'kalim' aakhir gar mukhaalif tiraa zamaana huaa"

"aane ko to baalin par vo jaan-e-bahaar aaya lekin dil-e-muztar ko phir bhi na qaraar aaya har rahbar-e-manzil se puchhaa hai nishaan teraa kar mujh pe yaqin tujh ko har samt pukaar aaya andaaz-e-taghaaful par ghussa thaa bahut lekin vo saamne jab aae be-saakhta pyaar aaya ai ahl-e-khirad tum ne ulTaa na naqaab un kaa aur meraa junun jaa kar zulfon ko sanvaar aaya the meri tabiat par jo baar 'kalim' ab tak paaband-e-khirad rah kar vo din bhi guzaar aaya"

"bekali dard mein shaamil kabhi aisi to na thi taba-e-parvaana-e-mahfil kabhi aisi to na thi aql gum-karda-e-manzil kabhi aisi to na thi zindagi mein koi mushkil kabhi aisi to na thi manzil-e-ishq mein kuchh mere junun se pahle azmat-e-lailaa-e-mahmil kabhi aisi to na thi inqilaabaat-e-zamaana kaa karam hai varna baat karni hamein mushkil kabhi aisi to na thi kaar-farmaa na thaa jab daur-e-siyaasat ai dost maslahat juzv-e-maraahil kabhi aisi to na thi itne pur-haul na the aql-o-junun ke jhagDe ziist barham-kun-e-mahfil kabhi aisi to na thi"

"ba-faiz-e-ishq ham ne jab khirad kaa raasta badlaa mazaaq-e-zindagi ke saath dil kaa muddaaa badlaa sukun-e-dil ki khaatir aaj andaaz-e-vafaa badlaa miri surat badal jaane se dil kaa muddaaa badlaa mohabbat hi mohabbat hai jidhar dekho zamaane mein miri qismat ki un haathon mein phir rang-e-hinaa badlaa mohabbat ki ye rusvaai khudaa jaane kahaan tak ho agar majbur-e-gham ho kar koi gham-aashnaa badlaa kuchh is andaaz se pahlu mein li hai dil ne angDaai mizaaj-e-ashk-e-gham haae ba-unvaan-e-hinaa badlaa sunaa to hai badal jaati hain roz-o-shab se taqdirein khudaa jaane na kyon ab tak 'kalim'-e-be-navaa badlaa"

"har-nafas inqalaab ho jaise aagahi iztiraab ho jaise yaad-e-maazi ki vo latif kasak ek rangin khvaab ho jaise yuun zamaane mein ji rahe hain log koi naqsh-e-bar-aab ho jaise faq rahaa hai nafas nafas meraa zindagi ik azaab ho jaise bahr-e-nazzaara jaa rahe hain 'kalim' aaj jalvon ki taab ho jaise"