zabaan-e-hosh se ye kufr sarzad ho nahin saktaa — Abdul Hamid Adam

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

ijaazat ho to main tasdiq kar luun teri zulfon se
sunaa hai zindagi ik khub-surat daam hai saaqi

savaal kar ke main khud hi bahut pashemaan huun
javaab de ke mujhe aur sharmsaar na kar

marne vaale to khair hain bebas
jiine vaale kamaal karte hain

mai-kada hai yahaan sukun se baiTh
koi aafat idhar nahin aati

ai gham-e-zindagi na ho naaraaz
mujh ko aadat hai muskuraane ki

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

garche ahl-e-sharaab hain ham log
ye na samjho kharaab hain ham log

aaj pi lene de ji lene de mujh ko saaqi
kal miri raat khudaa jaane kahaan guzregi

dil ne tamannaa ki thi jis ki barson tak
aise zakhm ko achchhaa kar ke baiTh gae

chhaTe ghubaar-e-nazar baam-e-tur aa jaae
piyo sharaab ki chehre pe nuur aa jaae