bik jaataa huun haathon-haath — Aks Samastipuri

yaar main itnaa bhukaa huun
dhokaa bhi khaa letaa huun

ek rishta jise main de na sakaa koi naam
ek rishta jise taa-umr nibhaae rakkhaa

kaise tum bhuul gae ho mujhe aasaani se
ishq mein kuchh bhi to aasaan nahin hotaa hai

bas isi ummid pe hotaa gayaa barbaad main
gar kabhi bikhraa to aa kar tu sambhaalegaa mujhe

tu sirf meri hai us kaa ghurur hai mujh ko
agar ye vahm meraa hai to koi baat nahin

thaa mujhe vahm-o-gumaan ki vo faqat meri hai
aur us ne bhi bharam meraa banaae rakkhaa

mere khvaabon ke jharokon ko sajaate rahiye
na sahi vasl magar yaad to aate rahiye

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

us ki yaad aai hai saanso zaraa aahista chalo
dhaDkanon se bhi ibaadat mein khalal paDtaa hai

koi puraanaa khat kuchh bhuli-bisri yaad
zakhmon par vo lamhe marham hote hain

ik lafz yaad thaa mujhe tark-e-vafaa magar
bhulaa huaa huun Thokarein khaane ke baa'd bhi

baare duniyaa mein raho gham-zada yaa shaad raho
aisaa kuchh kar ke chalo yaan ki bahut yaad raho