un ko ai narm havaa khvaab-e-junun se na jagaa — Aziz Hamid Madni

jab aai saaat-e-be-taab teri be-libaasi ki
to aaine mein jitne zaaviye the rah gae jal kar

narmi havaa ki mauj-e-tarab-khez abhi se hai
ai ham-safir aatish-e-gul tez abhi se hai

mubham se ek khvaab ki taabir kaa hai shauq
nindon mein baadalon kaa safar tez abhi se hai

jo baat dil mein thi us se nahin kahi ham ne
vafaa ke naam se vo bhi fareb khaa jaataa

meri vafaa hai us ki udaasi kaa ek baab
muddat hui hai jis se mujhe ab mile hue

aisi koi khabar to nahin saakinaan-e-shahr
dariyaa mohabbaton ke jo bahte the tham gae

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

bahut hasin raat hai magar tum to so rahe ho
nikal ke kamre se ik nazar chaandni to dekho