kal ke din jo gird mai-khaane ke phirte the kharaab — Baqaullah 'Baqa'

bulbul se kahaa gul ne kar tark mulaaqaatein
ghunche ne girah baandhin jo gul ne kahin baatein

ishq ne mansab likhe jis din miri taqdir mein
daagh ki naqadi mili sahraa milaa jaagir mein

chhoD kar kucha-e-mai-khaana taraf masjid ke
main to divaana nahin huun jo chalun hosh ki raah

ulfat mein tiri ai but-e-be-mehr-o-mohabbat
aayaa hamein ik haath se taali kaa bajaanaa

is bazm mein puchhe na koi mujh se ki kyaa huun
jo shisha gire sang pe main us ki sadaa huun

ishq mein bu hai kibriyaai ki
aashiqi jis ne ki khudaai ki

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

abhi aankhon hi ko de bazm mein gardish saaqi
yahi paimaane chhalakte rahein jaam aane tak

mire khamir se ye kaaenaat uThaate hue
use ghurur bahut thaa mujhe banaate hue

vo kyaa ki jis ko mayassar hai mustaqil honaa
sarisht-e-zakhm mein shaamil hai mundamil honaa

sab ko kaanTon pe shak huaa thaa magar
zakhm ke aas-paas phuul mile