bedard mujh se sharh-e-gham-e-zindagi na puchh — Hadi Machlishahri

miraa vajud haqiqat miraa adam dhokaa
fanaa ki shakl mein sar-chashma-e-baqaa huun main

uThne ko to uThaa huun mahfil se tiri lekin
ab dil ko ye dhaDkaa hai jaaun to kidhar jaaun

ab vo piiri mein kahaan ahd-e-javaani ki umang
rang maujon kaa badal jaaataa hai saahil ke qarib

gham-e-dil ab kisi ke bas kaa nahin
kyaa davaa kyaa duaa kare koi

ghazab hai ye ehsaas vaarastagi kaa
ki tujh se bhi khud ko bari chaahtaa huun

lutf-e-jafaa isi mein hai yaad-e-jafaa na aae phir
tujh ko sitam kaa vaasta mujh ko miTaa ke bhuul jaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

main ne apni palkon par gham-kade sajaae hain
aarzu ke maatam mein sogvaar hasti hai

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

husn jalva dikhaa gayaa apnaa
ishq baiThaa rahaa udaas kahin