kausar kaa jaam us ko ilaahi nasib ho — Imdad Ali Bahr

qaazi ko jo rind kuchh chaTaa dein
masjid ki baghal mein mai-kada ho

khush raho yaar agar ham se ho bezaar bahut
dil agar apnaa salaamat hai to dildaar bahut

mire qatl par tum ne biiDaa uThaayaa
mire haath kaa paan khaayaa to hotaa

ham na kahte the hansi achchhi nahin
aa gai aakhir rukaavaT dekhiye

mire baghair na ik-dam use qaraar aataa
zaraa bhi zabt jo mujh be-qaraar mein hotaa

sau fasaad ek ishq mein uTThe
boyaa ik tukhm uge hazaar darakht

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

ai tan-parast jaama-e-surat kasif hai
bazm-e-huzur-e-dost mein kapDe badal ke chal

nairangiyaan falak ki jabhi hain ki hon baham
kaali ghaTaa safed pyaale sharaab-e-surkh

vo the javaab ke saahil pe muntazir lekin
samay ki naav mein meraa savaal Duub gayaa