aankhein saaqi ki jab se dekhi hain — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

jo tire ishq mein tabaah huaa
koi us ko tabaah kar na sakaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

na gharaz mujh ko hai kaafir se na din-daar se kaam
roz-o-shab hai mujhe us kaakul-e-khamdaar se kaam

uThe uTh kar chale chal kar thame tham kar kahaa hogaa
main kyuun jaaun bahut hain un ki haalat dekhne vaale