mere hi sang-o-khisht se taamir-e-baam-o-dar — Majrooh Sultanpuri

'majruh' likh rahe hain vo ahl-e-vafaa kaa naam
ham bhi khaDe hue hain gunahgaar ki tarah

dast-e-pur-khun ko kaf-e-dast-e-nigaaraan samjhe
qatl-gah thi jise ham mahfil-e-yaaraan samjhe

main ki ek mehnat-kash main ki tirgi-dushman
subh-e-nau ibaarat hai mere muskuraane se

tishnagi hi tishnagi hai kis ko kahiye mai-kada
lab hi lab ham ne to dekhe kis ko paimaana kahein

paara-e-dil hai vatan ki sarzamin mushkil ye hai
shahr ko viraan yaa is dil ko viraana kahein

bahaane aur bhi hote jo zindagi ke liye
ham ek baar tiri aarzu bhi kho dete

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

jo log aa rahe hain tumhaare qarib-tar
muD kar vo su-e-shaam-o-sahar dekhte nahin

vahi sab log 'ashraf' aastin ke saanp nikle hain
jinhein shaamil samajhte the tum apne khair-khvaahon mein

raat us bazm mein tasvir ke maanind the ham
ham se puchhe to koi shama kaa jalnaa kyaa thaa