zindagi ki bhi yaqinan koi manzil hogi — Matin Niazi

aise khoe sahar ke divaane
lauT kar shaam tak na ghar aae

tufaan se bach ke Duubi hai kashti kahaan na puchh
saahil bhi e'tibaar ke qaabil nahin rahaa

gham-e-insaan ko siine se lagaa lo
ye khidmat bandagi se kam nahin hai

yahi aaina hai vo aaina jo liye hai jalva-e-aagahi
ye jo shaaeri kaa shuur hai ye payambari ki talaash hai

gham-e-maaal gham-e-zindagi gham-e-dauraan
hamaare ishq kaa charchaa kahaan kahaan na rahaa

agar duniyaa tujhe divaana kahti hai to kahne de
vafaadaaraan-e-ulfat par yahi ilzaam aataa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi-e-do-roza se karte hain vaza jannatein
ham ko bahut hai ye jahaan jannat-e-jaavedaan na de

apne saae se chaunk jaate hain
umr guzri hai is qadar tanhaa

huaa hai yuun bhi ki ik umr apne ghar na gae
ye jaante the koi raah dekhtaa hogaa