kiyaa hai us ne har ik se visaal kaa vaada — Nazm Tabatabai

yuun main sidhaa gayaa vahshat mein bayaabaan ki taraf
haath jis tarah se aataa hai garebaan ki taraf

dard-e-dil se ishq ke be-pardagi hoti nahin
ik chamak uThti hai lekin raushni hoti nahin

bichhaD ke tujh se mujhe hai umiid milne ki
sunaa hai ruuh ko aanaa hai phir badan ki taraf

dil is tarah havaa-e-mohabbat mein jal gayaa
bhaDki kahin na aag na uTThaa dhuaan kahin

banaayaa toD ke aaina aaina-khaana
na dekhi raah jo khalvat se anjuman ki taraf

asiri mein bahaar aai hai fariyaad-o-fughaan kar lein
nafas ko khun-fishaan kar lein qafas ko bostaan kar lein

nazaa kaa vaqt hai baiThaa hai sirhaane koi
vaqt ab vo hai ki marnaa hamein manzur nahin

hove na azaab us pe kabhi jis ke pas-e-marg
chhaati pe ho taaviz tire naqsh-e-qadam kaa

ho umr-e-khizr bhi to ho maalum vaqt-e-marg
ham kyaa rahe yahaan abhi aae abhi chale

laDkiyon ke dukh ajab hote hain sukh us se ajiib
hans rahi hain aur kaajal bhigtaa hai saath saath

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

marnaa to bahut sahal si ik baat lage hai
jiinaa hi mohabbat mein karaamaat lage hai