miri pyaas kaa taraana yuun samajh na aa sakegaa — Neena Sahar

zakhm bhi ab hasin lagte hain
tere haathon fareb khaane par

hasrat-e-mausam-e-gulaab huun main
sach na ho paaegaa vo khvaab huun main

tire vajud ko chhu le to phir mukammal ho
bhaTak rahi hai khushi kab se dar-ba-dar mujh mein

kal tire ehsaas ki baarish tale
meraa sunaa-pan nahaayaa der tak

maaro patthar bhi to nahin hiltaa
jam chukaa hai ab is qadar paani

kaise hoti hai shab ki sahar dekhte
kaash ham bhi kabhi jaag kar dekhte

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

kyaa khuub tum ne ghair ko bosa nahin diyaa
bas chup raho hamaare bhi munh mein zabaan hai

fazaa udaas hai rut muzmahil hai main chup huun
jo ho sake to chalaa aa kisi ki khaatir tu

pachpan baras ki umr to hone ko aa gai
lekin vo chehra aaankhon se ojhal na ho sakaa

jitne bikhre hue kaaghaz hain vo yakjaa kar le
raat chupke se kahaa aa ke havaa ne ham se