tark-e-mai hi samajh ise naaseh — Shakeel Badayuni

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

miri zindagi pe na muskuraa mujhe zindagi kaa alam nahin
jise tere gham se ho vaasta vo khizaan bahaar se kam nahin

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

na tum hosh mein ho na ham hosh mein hain
chalo mai-kade mein vahin baat hogi

sau fasaad ek ishq mein uTThe
boyaa ik tukhm uge hazaar darakht

zindagi zor hai ravaani kaa
kyaa thamegaa bahaav paani kaa

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

kahaan milegi misaal meri sitamgari ki
ki main gulaabon ke zakhm kaanTon se si rahaa huun

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di