dasht jaisi ujaaD hain aankhein — Siraj Faisal Khan

tire ehsaas mein Duubaa huaa main
kabhi sahraa kabhi dariyaa huaa main

shaayad agli ik koshish taqdir badal de
zahar to jab ji chaahe khaayaa jaa saktaa hai

kai din baa'd us ne guftugu ki
kai din baa'd phir achchhaa huaa main

vo ek shakhs jo dikhne mein Thik-Thaak saa thaa
bichhaD rahaa thaa to lagne lagaa hasin bahut

main muntazir huun kisi aise vasl kaa jis mein
mire badan pe tire jism kaa libaas rahe

hamein ranjish nahin dariyaa se koi
salaamat gar rahe sahraa hamaaraa

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

sote mein vo jo mujh se ham-aaghosh ho gae
jitne gile the khvaab-e-faraamosh ho gae

takiya-e-makhmali sirhaane rakh
lekin aankhon siin apni khvaab nikaal

bin dekhe us ke jaave ranj o azaab kyuun kar
vo khvaab mein to aave par aave khvaab kyuun kar

nahin ab koi khvaab aisaa tiri surat jo dikhlaae
bichhaD kar tujh se kis manzil par ham tanhaa chale aae